Oghaạph Ookaragh Ekpịgh Phọ 4

Ekpịgh phọ ephẹn phọ, yira kotuughạ ilọ aJosef, Job, Mozis r’awe phọ Izrạl. We phọ abuẹn phọ, Eru phọ akọm ni iiḅaghamhị kirokirọ angọ. Buniin usophonhaan okarạph ooruẹn, olhọgh ikoli, bunhọn urọl dọl arebenhẹ, kụ buniin ozẹ. Ghalhamọ r’iduọn phọ ni bịn aJehova aghoph ni bidị. Burudẹ r’aburunhiin, iloghonhaạn ḍighaạgh obumoọny phọ anyinha omhiịn idị arebenhẹ phọ aJehova abuẹn phọ oghiọm ghisigh oḍuom olhoghi nyodị ghalhamọ r’amem dị romiinhọm ni.

AJehova asighẹ Ḍioph Araraạr Alhiọm We Phọ Ijipt, oḍeenhaan mọ odị kụ amhoọgh iikpọ apu rumhụgh phọ Ijipt. Iloghonhaạn ḍighaạgh obumoọny phọ anyinha omhiịn idị aJehova aghoph we iḍiodi phọ r’ipẹ odị rakoph ghan bọ we phọ odị rodon.