ARUPHUA DỊ OSIGHẸ SIPHẸ EKPO-ONHỤ PHỌ ENAẠN | JỌN 5-6
Daphạm Jizọs r’Ekpom dị Esererẹ
Mem dị aJizọs angọ oghaạph omaanhiọm dị akparanhaạn butelhedom mọ odị onaghanhạn, buniin abidị ukpetaan ni bịn oḅula omhạn, bịn u/dạph ghan mun nyodị. Kụ egbi bọ oteẹny aḍio phọ aḍiphẹ phọ, aJizọs angọ ni bidị eḍien eten iiḍaạny, oḍeenhaan mọ iikpọ phọ odị iḍuạ k’Enaạn kụ eru. Eeghe kụ ikọm bọ okpetaan phọ engọ bidị? Eten dị eegholhaan, bidị utuạn omooghọm iyaạr ḍighaạgh aJizọs kụ odạph ghan bọ nyodị. Utuạn raraạr iphulhupul.
Opuruan siloor mọ: ‘Mị utuạn eeghe kụ radạph bọ Jizọs? Mị utuạn ḍisẹph dị mị kamoọgh nyiidiphọ r’idị edi ghisigh ḍughụm? Obobọ mị utuạn ephomhoghiạn dị mị amhoọgh aghị esi aJihova r’oḍighi idị eḅeraạn nyodị ḍughụm?’
Uḍighi ika kụ yira kotue bọ ni okpetaan eḍighi maạr lọ yira otuạn raraạr phọ iphẹn kogọ bọ siẹn kụ rokumu aJihova?
Oghelhọm ooḅughonhaan r’awe phọ Enaạn
Orọl aParadaịs