Kuphom Owol Ephomhoghiạn Oḅạr Phọ AZihova

AZihova amhiịn nyinhạ idiphọ oserereẹny oye. (Isa 43:4) Odị maḍur nyinhạ alọgh loor r’isiẹn ookpomhoghan phọ odị. Kụ loor iduọn nạ maḅọgh bọ loor angọ nyodị aḅilhẹ aḍiiny muụm, nạ maḍighi olọ aZihova. Odị kaphạm ni nyinhạ idiphọ eekiạ erua odị, ghalhamọ araraạr ikpạr ri. Dị eego esi ookpomhoghan phọ odị, odị kaḍeenhaan ni nyinhạ ephomhoghiạn oḅạr phọ odị.—Ps 25:10.

Ipẹ yira rosereghiạn ghan bọ ephomhoghiạn oḅạr phọ aZihova ketue ni ebụgh mem dị yira ophogh idị ookpomhoghan phọ odị omhegheron mem ekperenhom iiḅaghamhị.

IPOGH VIDIO PHỌ IINHAGHẠN EKỤ ABUUKPOMHOGHIOM MỌ OLỌ 2019, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ika kụ idị Ekụ Abuukpomhoghiom mọ monyaamhị torobọ olạ agadạ ilọ oḍighi mem dị ekperenhom iiḅaghamhị emite?

• 

  Ika kụ edị ookpomhoghan phọ aZihova omiteom iiḅakiọm r’araraạr dị ewạ mem ekperenhom iiḅaghamhị epẹ Indonesia r’ephẹn Nigeria?

• 

  Eeghe iyaạr dị ookpomhoghan phọ oḍighi siẹn ezẹgh ACOVID-19 phọ kụ ikạr eḍạ ḍiḅeeraạn anạ?