Nạ Amiịn Ikạ Ghisigh Phọ?

IDỊ ABAIBUL PHỌ AḄẸM

“Enaạn . . . kagbuurogh ni oomo izin riḍien abiḍi. Aḍuugh r’amukum ologhi r’emoghi r’eephina ke/tọl mun, idị eḍighi bọ iḅẹl araraạr phọ meten.”—Ogananami 21:3, 4, Ooḅi Oghaạph.

ASUỌ DỊ OMEERAAM IPẸ PHỌ KENGỌ NYINẠ

Oḍighi dị amoọgh emụ r’ogbaanyạn. —Aizayạ 65:21-23.

Iirurughiạn obobọ torobọ odọ iminimiịn ke/tọl mun.—Aizayạ 25:8; 33:24.

Aghuḍum oḅaạl-ologhi dị eekuna i/lo dị nạ katọl r’eghunotu r’arighirị anạ.—Asuọr phọ 37:11, 29.

YIRA KOTUE NI OKẠR OMEERAAM IPẸ ABAIBUL PHỌ RAKAẠPH BỌ?

Ii, eghom ephughạn pọ esi iyạl ariphigh:

• Enaạn amoọgh ni iikpọ omuneni oguanaan phọ. Siphẹ aBaibul phọ aJihova Enaạn phọ bịn kụ edị oghol mọ “Enaạn oomo iikpọ,” loor esi dị odị amoọgh iikpọ dị eekuna i/lọ. (Ogananami 15:3) Kụ iḍighi kụ odị amanạm ni akasiạn oḍighi ipẹ odị aguanaan bọ ilọ onme aḅirini phọ onighemị. Eḍighi idiphọ aBaibul phọ aḅẹm bọ mọ, “oomo araraạr edughanaan ni Enaạn.”—Matiu 19:26.

• Enaạn amoọgh ni eephuạ omuneni oguanaan phọ. Esi omaạm, aJihova amoọgh ni “ephuọm” ooḅulemi aghuḍum ongọ awe dị momuughu.—Job 14:14, 15.

  ABaibul phọ aḅilẹ ni aḍeenaan mọ Oọny phọ Enaạn, aJizọs, aakonom ghan ni buphẹ u/moon bọ. Eeghe kụ iḍighi kụ odị aḍighi ghan bọ idiphọ phọ? Loor esi dị iḅeraạn nyodị oḍighi. (Mạk 1:40, 41) Idiphọ Odẹ phọ odị, aJizọs amoọgh eephuạ ologhonaạn aḍighaạgh buphẹ odi bọ dọl ekuom.—Jọn 14:9.

  Iduọn kụ iḍighi kụ yira kotue ni okuphom owol mọ aJihova r’aJizọs rowạ ni ologhonaạn ayira ḍighaạgh oghelọm aghisịgh oḅaạl-ologhi!—Asuọr phọ 72:12-14; 145:16; 2 Pita 3:9.