ITUUGHẠ 18

Tughemhị Ni We Phọ Iyaạr

1 Korịnt 9:19-23

OGHAẠPH OOKARAGH: Ngọ oghaạph phọ eten dị ketir ḍiitughiạn awe phọ, obọ bidị olhoghoma mọ bidị otuughạ ni iyaạr.

Lọgh elhegh raraạr dị buphẹ ronaghạn bọ olhegheri ni. Kparipẹ r’owọph idị awe phọ olhegheri bịn oghaạph, lọgh ḍighaạgh bidị otuughạ emhoom iyaạr siphẹ oghaạph phọ.

Gboogboronhom ghan oghaạph iyaạr dị awe phọ olhegheri ni, kuolọ idị u”kạr ulegheri, miigha loor kụ aagelhiọn.
Waaghị ghan raraạr aḅilhẹ agbirima. Lọ edugh ni, pọ ḅarạm ni riphigh dị awe phọ u”kạr ulegheri obobọ raraạr dị purukụ emiteghu omheremhị ikpanhạ araraạr phọ. Kuolọ zuumaam ni aphogh mughumọ ariphigh ph’anạ eḅọph ni r’oghaạph phọ.

Mem lọ nạ raaḅeghiọn oghaạph ph’anạ, orue okạr ootughiạn ilọ esi phọ, pọ puruan sipuru phọ iphẹn; ‘eeghe kụ iḍighi kụ epeẹr iyaạr emite bọ? Imite pụr amem? Eghẹn? Anhiạn? ḅilhẹ Ika?’ Dughemhị oghaạph ph’anạ esi opuru ghan kụ oḅilhẹ ophanyanaạn iniin asipuru phọ ipẹ siphẹ oghaạph phọ anạ.
Ḍeenhaan ipẹ koḍighinhom bọ. Maạr agbạ aagholhomhi riisi aBaibul dị keloghonhaạn ḍighaạgh dọl aghuḍum abuphẹ ronaghạn bọ. Kaaphọm ni iniin asidọl, raagharạ, r’iḍighinhom araraạr dị keloghonhaạn ḍighaạgh buphẹ ronaghạn bọ.