Iinaghạn Ilọ Abuphẹ Oru Aani Bọ

ABUỌ OPHAMHAGHẠN Buọ ophamhaghạn phọ ongọ oḍighi olhoghonhaạn anạ ḍighaạgh. Seseeny naghanhạn ni bidị eten dị emhunhughan esi odaphạn ghan iiḅakiọm mọ abidị idị egbolhomaam riisi osereghi asimoto, r’ooḅakị awe phọ r’oḍigh bọ koḅilhẹ omite esi phọ isiẹn phọ, oseerean esi orọl ude, ḅilhẹ r’inhọn araraạr.

ARIISI OROLHOGHỤ Ka/lẹ moọgh ni ogbolhomaam abunhọn awe. Legheri mọ, nạ katue ni aseenhaan esi orọl buọ eghun-otu anạ r’abuphẹ r’anạ eḍigh bọ oniin amoto phọ, r’abuphẹ r’anạ erugh bọ eniin esi, obobọ bulọ nạ ratughemhị ghan Baibul. Seseeny u/ḅamaghị ghan raraạr riisi orolhoghụ phọ ekitonhom bọ nyinhạ.

IḄẸL AROOKONHOM Ka/lẹ legheri iduọn mọ iphẹn phọ ilọ iyaạr ekperenhom bịn.

IISOGH Amubogorọ amalheom ni kụ edị olheom bọ ookolhobian omiteom ariisi orolhoghụ dị ekasiạn, ikpamhaghinheẹn eḍọgh, sitv phọ, ḅilhẹ r’inhọn odọ arukumuan dị keḍighi idị yira kokelhọm ookpomhoghan phọ ophọn phọ yira oru bọ r’olhoghonhaạn ayira ḍighaạgh oḍuraan otumhan aZihova. Iisogh phọ anạ nyinhạ u/kpaariọm bọ keloghonhaạn ni ḍighaạgh ookpereghi amaleom mọ amuẹn phọ, eḅilhẹ eloghonhaạn ḍighaạgh oḍighi oomo aḅirinhi phọ. Dị kedughanaan nyinhạ, osereghi yogh ni igbe iisogh dị odoghoḍi ni relhegh dị eegholhaan oomo esi phọ isiẹn. Nạ katue ni akị siphẹ donate.jw.org asogh dị eego esi intanẹt. Omaghamhị ni maạr oomo iisogh. ALoor phọ Repogh bọ omoọgh ni ḍiḅeeraạn kụ rosẹph ni nyinhạ loor olhoghonhaạn aḍighaạgh onmo inmo phọ anạ ilọ aḍiḅeeraạn Omhạr phọ.

IPHE NI KỤ MOMHIỊN Oomo araraạr dị ephe kụ omhiịn osighẹ oghị epẹ Otu-oḍighi phọ oghol bọ mọ Iphe Ni Kụ Momhiịn. Eḍighi maạr dị iyaạr anạ ephe, pọ kiạ epẹ otu-oḍighi phọ ophọn phọ amạ aagholhomhi raraạr emhoọgh phọ anạ. Ibạm-anmụny lọ mophe ḍighaạgh odẹ r’onhiin abidị kụ omhiịn, osighẹ oghị epẹ otu-oḍighi phọ ophọn phọ. Toroboiperolbọ, ku/sighẹ mọ esi phọ isiẹn eḍighi esi iibia, ka/lẹ maạr aphogh ibạm-anmụny phọ anạ, aseere bidị esi phọ ipạ nạ odi bọ.

OḌIINY AMUỤM Ariisi orolhoghụ dị oseenhaan buọ oḍiiny amuụm mọ ketọl li epẹ ogbotu phọ, ghisigh eegbolhom mọ, epel lọ oḅilhẹ oghaạph inhọn. Abuọ oḍiiny amuụm mọ orolhoghụ pạ phọ kụ egbi oteẹny amem dị oghaạph oḍiiny amuụm mọ kamiigh ḍiroọr aSatodee phọ. Torobọ onyọ abidị aphạm arumom towẹl r’iinmenhan dị esooran obobọ amuụm ateẹny ke/ḍeenhaan loor.

OMITEOM ALOOR OKUMUAN Eḍighi maạr dị eḅeeraạn nyinhạ olhoghonhaạn aḍighaạgh iikolhobian ookpomhoghan phọ, pọ ka/lẹ kiạ ateẹny buọ otu-oḍighi phọ ophọn phọ.

AMITIN DỊ AGBATANHAẠN

Asukul Abukaaphọm Ilọ Omhạr Phọ R’omạgh aani ni bukọy eten dị odi igbo 23 kụ esi 65 asiạ dị omhoọgh ḍiḅeeraạn oraramhị arukumuan phọ abidị, oghị aani amitin abulọ rowạ oghị Asukul Abukaaphọm Ilọ Omhạr Phọ, ootaany aSondị. Kogbeelhom ni mem mọ r’esi phọ kopạm bọ mitin phọ.