Tughemhị Aani Bunhọn Okumu AJihova Oghiọm Aghisigh

Owaaghị omiịn m’oḅonhom ophạm ghan omhoom okaaphọm omitenhom epẹ erugh phọ, kụ odị aḅilhẹ aghaạph aani ghan, mọ keḍighi idị odị kasilor esi oghaạph iiḅi iinhaghạn phọ. (Pr 22:6; Fil 3:16) Uguạ, ooḅeghiọn reten dị yira oḍighi kụ keloghonhaạn ḍighaạgh omhoom okaaphọm, omhoọgh egey ephighiom ilọ oghaạph iiḅi iinhaghạn phọ:

• Roḍighi nyopọ nạ ratughemhị ghan bọ okaaphọm, bịn akpoonhị otughemhị odị ilọ oghaạph. (km  8/15 1) Ḍeenhaan nyodị ipẹ emhạn bọ maạr omhoọgh edeọm omite ghan erugh phọ wiki awiki. (Fil 1:10) Ka/kaạph ghan ikarạph ilọ ekool phọ nyinha reḍighi ghan bọ. (Fil 4:8) Ḅenhị odị arelhean aani ghan bunhọn awe ḅilhẹ r’opọ rapogh bọ ekool phọ, pidị odị atuughạ aani ḍighaạgh abidị.​—Pr 1:5; km 10/12 6 ¶3

  

• Odị roḍiiny muụm, u/bilhẹ ghan oromhoghiom ghan, r’otughemhị ghan odị inhọn ikeḍi ilọ osighẹ oḍighinhom epẹ  erugh phọ, ekạr ekpaariọm mem dị nyinha ke/mhạn ituughạ aḍinyạ “God’s Love” phọ.​—km 12/13 7

  

• Kaạph ghan eten dị kedugh otuụgh oghaạph aani, mem dị nạ ratelhean omhoom okaaphọm. Sẹph ghan ni nyodị esi lọ odị aḍighi agey. Kụ aḅilhẹ amạ reten dị odị kaḍighi akuamhị enhọn amem.​—km 5/10 7