Tuutughiạn Anhịr Phọ aLọt

Uḍighi ika kụ anhịr phọ aLọt aphogh bọ omhạn iduọn bidị oghiil bọ romite Sodọm? ABaibul o/ghaạph. (Ge 19:​17, 26) Oghaạph iphụr arurụ phọ aJizọs kụ aḍeenhaan bọ mọ anhịr phọ aLọt atuạn ruphua kụ aphogh bọ omhạn. (Luk 17:​31, 32) Ika kụ idị yira kotue okel ekarạph eḍeenhaan anhịr phọ aLọt? Yira ku/meera ophorogh araraạr aḅirinhi phọ eḍighi eḅẹl siphẹ aghuḍum mọ ayira. (Mat 6:33) AJizọs utughemhị iyira mọ “Oye o/Io dị katue adạph iyạI aburudẹ-otu.” (Mat 6:24) Kuolọ kokaạph ika eḍighi maạr lọ yira omhiịn mọ aruphua aḅirinhi phọ reponomaam siya phọ ayira r’aJihova? Ewạ mọ yira ooḅereghị aJihova ungọ iyira inyaạm r’orọph omhiịn, obọ yira orue omhiịn esi dị ewạ oolemhi siphẹ asighuḍum mọ ayira.

NẠ AATUGHIẠN NI VIDIO IRAẠR-APAKIRỊ PHỌ OGHOL BỌ MỌ TUUTUGHIẠN ANHỊR PHỌ ALỌT, PỌ UGUẠ OPHANYANHAẠN SIPURU PHỌ EDAPHẠN BỌ SIẸN:

• 

  Ikpaarioghọm owạ ikpoki itir ika iitughiạn, ikpo onhụ, r’iḍighinhom araraạr phọ aGlory?

• Yira omoọgh eeghe ophụr arurụ rodon ilọ ipẹ emitenhaan bọ anhịr phọ aLọt?

• Ika kụ idị osighẹ asinhị iilhogh aBaibul kụ oḍighinhom, elhoghonhaạn ḍighaạgh Joe r’eghunotu odị?

• Awe phọ aHannah aaḅughonhaan ghan bọ epẹ otu oḍighi phọ uḍighi ika siya ph’odị r’aJihova?

• Eeghe kụ ewạ bọ ni akpọ oḅio okpạr opu inyuughiom osighẹ ikpoki oḍighi eḅẹl siẹn aghuḍum mọ ayira?

• Ika kụ idị aBriane r’aGlory oḅilhẹ omhooghạ siya phọ abidị r’aJihova?

• Ighẹn asinhị iilhogh aBaibul kụ edị nạ amhiịn siẹn avidio phọ?