Uwaloor Iigbia Asoorom Ookpomoghan AKristẹn Phọ

2:1-8, 14, 37, 38, 41-47

Ibadị abuọ aJu dị orọl aani Jeruselem mem aPentikọs 33 C.E. uḍuạ reelhe kirokirọ kụ oghị aani. (Iiḍ 2:9-11) Ghalamọ r’iduọn bidị ooko ghan bọ ni Olhogh phọ aMozis, eeni bidị urọl ghan inọn areelhe siphẹ oomo adọl aghuḍum mọ abidị. (Jer 44:1) Esi iduọn phọ, ibadị uunmenan ghan oḅilẹ oḅạ onhụ emạ phọ epẹ phọ opu onhụ aJu phọ. Mem dị 3,000 abuẹn phọ roḅạ bọ runhụ kirokirọ phọ oḍiiny bọ muụm, ookpomoghan aKristẹn phọ amoọgh ni we dị roḅạ runhụ kirokirọ apu eḅẹl amem mọ. Etigheri rikpisi kirokirọ phọ abidị, “ḍio etum ḍio, oomo phọ abidị ughị ghan ni pạ otu iiḅereghị pho” r’amuḅọph.—Iiḍ 2:46.

Ika kụ edị nạ kaḍeenaan ḍigey aḍiḅeraạn akị esi . . .

• awe enhọn ekpisi phọ odi bọ epẹ ekool phọ anyina?

• bumor r’abumarani enhọn ekpisi phọ odi bọ pạ ookpomoghan phọ anyina?