SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Ngọ Oghaạph Omaaniọm Dị Kamiteom Ikpanhạ Araraạr Phọ
Mem dị nạ aḅula otughemhị oye Baibul, ewạ olhoghonhaạn aḍighaạgh opọ nạ ratughemhị bọ onhaghanhạn ikpanhạ araraạr phọ. Oḍighinhom oghaạph omaanhiọm dị kamiteom ikpanhạ araraạr phọ ketir ri ekpom mọ, kụ edughanhaan nyodị ootughiạn ipẹ motughemhị bọ.
Siphẹ nạ raakolhobian bọ oḅilhẹ oḅula phọ, selẹ oghaạph omaanhiọm dị kagbon ikpanhạ araraạr phọ, agbolhomaam raraạr dị awe phọ roḍighi ghan, kụ adugh onhaghanhạn. (Mat 5:14-16; Mạk 2:21; Luk 14:7-11) Kparaghạ omhiịn mọ nạ alegheri ni sidọl abuphẹ nạ rakaaphạn bọ r’araraạr phọ bidị roḍighi ghan bọ. (Luk 5:2-11; Jọn 4:7-15) Mem dị nạ amhiịn mọ olhoghi abidị aḅaạl li loor ipẹ bidị onhaghanhạn bọ, olhoghi anạ kaḅaạl kẹn ni.
IPOGH VIDIO PHỌ MOỌGH AANI IBO OḌIGHI AWE BUMATUẠN—TOPHOMHI SIGHALHANYẠ PHỌ ANẠ—ḌIGHINHOM OGHAẠPH OMAANIỌM DỊ KAMITEOM IKPANHẠ ARARAẠR PHỌ, KỤ EPHANYANHAẠN SIPURU PHỌ EDAPHẠN BỌ SIẸN:
Uḍighi ika kụ buphẹ yira rotughemhị bọ omhoghi bọ olhoghonhaạn aḍighaạgh orue onhaghanhạn asiikpịgh aBaibul phọ?
Ika kụ idị aNeeta asighẹ oghaạph omaanhiọm agbaạm igey phọ edi bọ Rom 5:12?
Oghaạph omaanhiọn dị amhoon ratir ghan ni ekpom mọ
Oghaạph omaanhiọm dị amhoon ratir ghan ika buphẹ yira rokaaphạn bọ?
Uḍighi ika kụ yira koḍighinhom bọ epẹ erugh phọ sividio phọ r’iphediphọ araraạr otughemhiọm mọ oḍighom mọ aZihova amiteom bọ?