ORỌL GHAN ADỌL ONYỌ AKRISTẸN
Ilhioghọm—Eḍeenhaan Ephomhoghiạn AZihova
Ilhioghọm ekạr regbon ghan ongọ itọ r’otughemhị, kuolọ reḅarạm ghan ni oolemhi r’oḅaaghiọm. AZihova rulhiọm ghan iyira pidị yira ooḅereghị nyodị eten dị eḅeraạn nyodị. (Rom 12:1; Hib 12:10, 11) Eeni amem ilhioghọm repin ghan ni, kuolọ eekunha phọ remiteom ghan kuuḅi aghisigh Enhaạn r’aḍisẹph odị. (Pr 10:7) Eeghe iyaạr kụ edị opọ raliọm bọ, r’opọ r’oliọm bọ kootughiạn ghan?
Opọ raliọm bọ. Ikumor awe, aburudẹ r’aburunhiin, r’abunhọn okparaghạ ghan omhiịn bọ bidị oliọm ni eten dị eyoghoyoghọ ḅilhẹ r’ephomhoghiạn idiphọ aZihova. (Jer 46:28) Ghalhamọ ilhioghọm mọ kekọm ni eboom eephinha, eḍighi ni ilhioghọm dị ekasiạn eḅilhẹ eḍuạ esi ephomhoghiạn.—Taị 1:13.
Opọ roliọm bọ. Etigheri odọ ilhioghọm mọ, yira ku/kel, ewạ ghụn mọ oogboronhom osighẹ oḍighinhom. (Pr 3:11, 12) Idiphọ awe dị u/munhughan, oomo phọ ayira omoghi ni ilhioghọm, kụ ketue ni etu ibadị areten. Etue ni eḍuạ esi iyaạr dị yira aạl siphẹ aBaibul phọ obobọ iyaạr dị oghaạph otu ituughạ. Eeni amem ikumor awe phọ abuphẹ ophạm bọ iiruẹn phọ kụ koliọm buniin. Onhaghanhạn ilhioghọm rengọ ghan ghuḍum eekunha phọ.—Pr 10:17.
IPOGH VIDIO PHỌ “AZIHOVA RALIỌM GHAN NI OYE LỌ ODỊ APHOMHOGHIẠN,” KỤ EPHANYANHAẠN SIPURU PHỌ EDAPHẠN BỌ SIẸN:
ACanon amhiighom ika dọl aghuḍum mọ odị, kụ inmia ika?
Eeghe ilhioghọm ephomhoghiạn kụ edị aZihova angọ nyodị?
Tuughạ ophomhoghiạn ilhioghọm aZihova
Eḍeenhaan phọ odị itughemhị iyira eeghe?