Sighẹ Ikumor Anmariịr Idiphọ Aburunhiin, Risina-anmanyaạn Idiphọ Abumaranhi

ABaibul phọ uḅenhị iyira mọ ozoọm ghan nmariịr r’alhephiri dị asiạ meghị idiphọ aburunhiin r’aburudẹ, kụ iḍoogh phọ idiphọ abubạm abumor r’abumaranhi ayira. (Bạl 1 Timoti 5:1, 2.) Ekạr ekpaariọm bumor oḍeenhaan ghan eghuan r’olhọgh eegu nmariịr.

R’amem r’amem onyọ umor ku/pegh ephegh iḍọ obobọ uḍighi iyaạr dị onyọ umaranhi ka/kiilhaan otuman odị. (Job 31:1) Egelhenyạ onyọ umor k/uzọ eten dị onyọ umaranhi kaatughiạn mọ odị amoọgh ḍiḅeeraạn ophin odị mem dị u/moọgh.

Ikumor awe phọ oogboronhom ni oḍeenhaan ogbolhomaam bumaranhi dị opuru ḍipuru r’olhọgh eegu obobọ omạ iyaạr dị ewạ mọ okiririom ophogh. Ekạr ekpaariọm ikumor awe phọ oḍeenhaan ghan ogbolhomaam nmariịr dị aburulom oghoph u/lo.—Ru 2:8, 9.

IPOGH VIDIO PHỌ ḌEENHAAN GHAN EPHOMHOGHIẠN DỊ RE/MINHEEN GHAN AGHỊ ESI ABUẸN R’AYIRA OḄỌPH BỌ OMEERAAM MỌ—ARUKPUKELE ANMARIỊR R’ABUẸN ABURUDẸ PHỌ U/LO BỌ, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ookpomhoghan phọ uḍeenhaan ika ephomhoghiạn dị eḍighan elhegh Umaranhi phọ Myint?

• 

  Ephomhoghiạn phọ ookpomhoghan phọ oḍeenhaan bọ ingọ eeghe ogbaanhaạn we emhạ phọ?

• 

  Ephomhoghiạn phọ ookpomhoghan phọ oḍeenhaan bọ itir ika nmanyaạn Umaranhi phọ Myint?

Ighẹn areten kụ edị nạ katue aḍeenhaan ephomhoghiạn bumaranhi siphẹ ookpomhoghan phọ?