SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Tughemhị Buphẹ Nạ Ratughemhị Ghan Bọ Baibul Phọ Omhoọgh Edeọm Ituughạ Elọ Abidị
Orue okuamhị olegheri aZihova kụ oḅilhẹ oḍighi onyọ aKristẹn dị asianhaan, abuphẹ nạ ratughemhị ghan bọ Baibul phọ omoọgh otuughạ igey phọ opelhom ipẹ rotughemhị bọ bidị. (Mat 5:3; Hib 5:12–6:2) Ekạr emoghi mọ bidị omhoọgh edeọm ituughạ elọ abidị.
K’emhiighom mọ, ḍeenhaan buphẹ nạ ratughemhị ghan bọ Baibul phọ ilọ ookolhobian ghan esi lọ nyinha ketuughạ, kụ aḅenhị mọ bidị otuụgh ghan idiphọ oḍighi. (mwb18.03 6) Ḅenhị mọ bidị ophụr ghan ooḅereghị kụ ogbi omhiigh ituughạ oginha abidị. Loghonhaạn bidị ḍighaạgh olhegheri ilọ omhiịn r’oḍighinhom araraạr phọ edi bọ intanẹt phọ. Ḍeenhaan bidị ilọ omhiịn ghan imhoom araraạr dị olhọgh jw.org ḅilhẹ r’aJW Brokastịn®. Enụm enụm tughemhị bidị aạl ghan aBaibul phọ torobọ aḍio, ookolhobian ilọ ituughạ ookpomhoghan phọ, ḅilhẹ r’owaaghị ghan ophanyanhaạn asipuru abidị. Loghonhaạn bidị ḍighaạgh ogbiran ghan ipẹ bidị rotuughạ bọ.
IPOGH VIDIO PHỌ LOGHONHAẠN ḌIGHAẠGH BUPHẸ NẠ RATUGHEMHỊ GHAN BỌ BAIBUL PHỌ OMHOỌGH EDEỌM ITUUGHẠ ELỌ ABIDỊ, KỤ EPHANYANHAẠN SIPURU PHỌ EDAPHẠN BỌ SIẸN:
Ika kụ idị aNeeta alhoghonhaạn ḍighaạgh Jade omhiịn mọ ituughạ epelhom owạ ophanyanhaạn asipuru?
Eeghe kụ ilhoghonhaạn bọ ḍighaạgh Jade omhiịn mọ iduọn aZihova aghel bọ orolhạn esi igbo awe dị k/aalhạn eḍighi ni elhiom?
Tughemhị buphẹ nạ ratughemhị ghan bọ Baibul phọ ilọ otuughạ ghan ikpanhạ araraạr kụ osighẹ oḍighinhom
AJade amhiịn mọ ogbiran r’angọ ghan eeghe asuọ?