Loghonhaạn Ḍighaạgh Buphẹ Nạ Ratughemhị Ghan Bọ Baibul Phọ Oghel Ikarạph Arighirị

Orue oḍighi oyaghirị aZihova, abuphẹ yira rotughemhị ghan bọ Baibul phọ omoọgh oselẹ igey arighirị. (Ps 15:1, 4) Abugey arighirị kologhonhaạn bidị ḍighaạgh oḍighi idị enhighẹ.—Pr 13:20; lff esi ituughạ phọ 48.

Mem dị nạ raloghonhaạn ḍighaạgh buphẹ nạ ratughemhị ghan bọ, kparaghạ ni onhaghanhạn ipẹ bidị olhoghoma bọ. Etue ni ekparanhaạn bidị owilhẹ arighirị phọ abidị epẹ aḅirinhi phọ. Esi iduọn phọ, ḍeenhaan ni ogbolhomaam ghalhamọ r’amem dị nạ ra/tughemhị ni bidị. Etue ni eḍighi ogẹ adom afon oghiọm, omhạgh afon, obobọ oghị ophogh. Iduọn bidị ropoph bọ, nạ atue ni amạgh bidị ooḅughonhaan r’awe phọ Enhaạn. Bịn bidị komiịn ni mọ asuọ abidị apu ni rikiạ dị bidị ropinyọn. (Mạk 10:29, 30) Nạ kamoọgh kẹn ni ibo omhiịn dị eghunotu phọ aZihova rebụgh.

IPOGH VIDIO PHỌ LOGHONHAẠN ḌIGHAẠGH BUPHẸ NẠ RATUGHEMHỊ GHAN BỌ BAIBUL PHỌ OGHEL IKARẠPH ARIGHIRỊ, KỤ EPHANYANHAẠN SIPURU PHỌ EDAPHẠN BỌ SIẸN:

• Abuọ anhiạn kụ ikarạph arighirị phọ?—1Kọr 15:33

• AJade aatughiạn mọ ooḅughonhaan aKristẹn phọ ketọl ika?

• ANeeta alhoghonhaạn ika ḍighaạgh Jade omhoọgh igey arighirị kụ owilhẹ ikarạph arighirị?