Ka/kpạgh Oghaạph Phọ

Idị AFilip Aḍighi

AVIDIO: AFilip Aghaạph Oghaạph Phọ Aḅenhị Oye Olọ Etiopiạ Phọ

1. Pogh VIDIO phọ, obobọ bạl Iiḍighi 8:30, 31. Kụ aaḅeghiọn sipuru phọ edaphạn bọ siẹn:

1. (1) AFilip amhiighom ika oghaạph phọ?

2. (2) Uḍighi ika kụ eten phọ epẹ aFilip amhiighom bọ oghaạph phọ eḍighi bọ emạ eten omhiighom oghaạph dị erorori engọ otughemhị igey phọ?

Ipẹ AFilip Aḍighi Bọ Itughemhị Iyira Eeghe?

2. Eḍighi maạr dị yira u/kpạgh oghaạph phọ, kedughanhaan ni oye phọ yira rokaaphạn bọ ophoomhị aloor kụ oḅilhẹ olher arurụ onhaghạn oghaạph phọ.

Tuughaạny Filip

3. Kiririom ghan aphogh raraạr. Nạ katue ni alegheri ibadị araraạr ilọ oye phọ esi okiririom ophogh ipẹ odị aseere bọ loor phọ odị, eten phọ epẹ odị ramaaghiạn bọ r’ipẹ aghisigh phọ odị odi bọ. Iyaạr edi ni dị eḍeenhaan mọ oye phọ rawạ ni oghaạph r’anạ? Nạ atue ni amiighom oghaạph iyaạr dị edi siphẹ aBaibul phọ esi opuru mọ, “Nạ alegheri ni mọ . . . ?” Ka/kpaariọm oye phọ oghaạph phọ eḍighi maạr dị u/wạ onhaghạn.

4. Ḍeenhaan okparạm. Kaa/tughiạn mọ nạ amoọgh omhiighom oghaạph phọ siphẹ aBaibul phọ. Ikaạph ni raghaạph phọ eghiọm ghisigh tutụ eepoogh oghaạph ilọ aBaibul phọ emite. Iphẹn phọ remạ ghan mọ eeni amem, nạ ka/loghọm ilọ aBaibul eḅẹl amem mọ.

5. Daphạn ghan sidọl phọ. Oye phọ atue ni amiteom enhọn emhuoghaạph dị nạ uu/kolhobian. Esi iduọn phọ, nyaaghiạn ni oghaạph iyaạr dị edi siphẹ aBaibul phọ dị egbolhomaam oye phọ, ghalhamọ imhoghi ni oghaạph enhọn emhuoghaạph dị i/ḍighi epẹ nạ awạ bọ oghaạph phọ.