AZihova Enhaạn Eephọ

1. Zihova, n’Odẹ‿ayoor

R’azin ephomhoghiạn kẹn.

Nạ mungọ‿iyoor eboom eepoogh

Omhạgh aani‿aḍien ph’anạ.

Aḍuugh ph’aKraist Zizọs

Meḍighi‿idị yoor momhoọgh

Eephọ‿olhoghi, kụ‿oḅilhẹ kẹn

Rokelhọm eephọ r’anạ.

2. Ekpo‿onhụ ph’anạ‿Enhaạn,

Etọl idiphọ‿aḍiḅaạl,

Dị reeḅakị reten ph’ayoor

Siẹn aḅ’rinhi‿ufiri phọ.

Nạ mutughemhị‿iyoor

Ilọ‿oseere ghan eephọ.

Odẹ seseeny, ungọ n’iyoor

Inyaạm oḍighi‿iphẹn phọ.

3. Mem dị‿Omhạr ph’anạ‿aru

Oomo‿araaghạm ke/tọl mun,

Kụ‿oomo ph’ayoor okelhọm ghan

Eephọ siẹn ade ph’aḍiẹn.

Oomo‿olhẹm m’anạ‿Enhaạn,

Oḅọph ni siẹn ade phọ

R’epẹ k’akẹ, kụ rogbeelhom

Ilọ‿iiḍighi ph’anạ‿Odẹ.