Oghaạph Ookaragh Ekpịgh Phọ 3

ABaibul phọ aagholhogh ni siḍien abunhọn awe dị okumu aJehova mem mọ Amuụm Aḍigho phọ aten bọ. Oniin odị akumu aani Enhaạn pọ Ebraham. ABaibul phọ akol nyodị mọ oyaghirị aJehova. Eeghe kụ iḍighi kụ aBaibul phọ aghol bọ nyodị mọ oyaghirị aJehova? Burudẹ r’aburunhiin, iloghonhaạn ḍighaạgh obumoọny phọ anyinha omhiịn mọ aJehova amoọgh ni ḍiḅeraạn odị, kụ aḅilhẹ rawạ olhoghonhaạn odị ḍighaạgh. Idiphọ Ebraham, Lọt, Jekọb r’abunhọn awe dị okumu aJehova, yira kotue ni olọm aJehova olhoghonhaạn aḍighaạgh. Yira kotue ni okuphom owol mọ aJehova kaḍighi ni oomo araraạr phọ odị aguanhaan bọ.