Samz

5 Dyé mwen Jéhova, sé pa dé bagay ou ja fè. Sé bèl twavay ou-a, èk sa ou ni an lidé pou fè ban nou. La pa ni pyèsonn ki sa konpawé épi’w. Si mwen té ni pou éséyé wakonté èk palé konsèné tout sa ou ja fè, yo té kay twòp pou mwen wakonté! 6 Ou pa té vlé sakwifis èk lofwann, mé ou ouvè zòwèy mwen pou mwen tann. Ou pa té mandé mwen pou sakwifis bwilé ében lofwann pou péché. 7 Apwé sa mwen di: “Gadé, mwen wivé. Yo ékwi sa konsèné mwen an woulo-a. 8 Bondyé mwen, mwen ka pwan plézi pou fè sa’w vlé mwen fè. Èk lwa’w ofon tjè mwen. 9 Mwen ka pwoklanmé bon nouvèl-la konsèné ladwati an gwan kongwigasyon-an. Gadé! Mwen pa ka fenmen bouch mwen. Dyé Jéhova, ou konnèt sa byen. 10 Mwen pa ka séwé ladwati’w an tjè mwen. Mwen ka déklawé lanmityé fidèl ou èk lavéwité’w an gwan kongwigasyon-an.”