Èfésòs

11 Épi sa an ling épi òbjèktiv étonnèl Bondyé. Èk i ja désidé pou sèvi Jézi Kwi, Senyè nou, pou akonpli sa i vlé fè-a. 12 Alò, paski nou ja mété lafwa nou an Jézi Kwi, nou sa palé èk apwoché Bondyé épi konfyans. 14 Sé pou wézon sala mwen ajounou douvan Papa-a ki an syèl, 15 paski si i pa té pou li, tout fanmi, ni sa ki an syèl ni sa ki asou latè-a, pa té kay ni lavi. 16 Mwen ka pwédyé pou Bondyé sèvi laglwa-a i ni alabondans-lan épi lisentèspwi’y pou fòtifyé moun-lan zòt yé andidan-an épi pou bay zòt fòs. 17 Èk pou’y, a kòz di lafwa zòt, fè Jézi Kwi wèsté an tjè zòt ansanm épi lanmityé. Osi mwen ka mandé Bondyé pou zòt vini byen wasiné èk byen établi asou fondasyon-an. 18 Konsa, ansanm épi tout sé moun sen-an, zòt kay byen konpwann lajè-a, londjè-a, hòtè-a, èk fondjè-a. 19 Èk osi mwen ka mandé’y pou zòt konnèt lanmityé-a Jézi moutwé-a, on lanmityé zòt pa sa janmen fini konpwann, pou zòt sa vini plen épi tout sé bèl kawaktè-a Bondyé ka bay-la.