5. Ganyen a bout difikilté ki sa anpéchéʼw batizé

Nou tout kay ni difikilté lè nou désidé pou dèdiké lavi nou pou Jéhova èk batizé. Pou wè yonn an sé difikilté sala, annou gadé VIDIYO-A, Lanmityé Pou Jéhova Ka Édéʼw Ganyen A Bout Tout Difikilté èk apwé nou kay kozé asou sé kwèsyon sala:

VIDIYO: Lanmityé Pou Jéhova Ka Édéʼw Ganyen A Bout Tout Difikilté (5:22)

• An vidiyo-a, ki kalité difikilté Narangerel té ni pou ganyen a bout pouʼy té sa sèvi Jéhova?

• Ki mannyè lanmityé sésé-a pou Jéhova té édéʼy ganyen a bout sé difikilté sala?

Annou li Pwovèb 29:25 èk 2 Timòfi 1:7, èk apwé nou kay kozé asou kwèsyon sala:

• Kisa ki ka ban nou kouwaj pou ganyen a bout tout kalité difikilté?

Pou pwépawé pou pèsikasyon nou ni pou fòtifyé konfyans nou an Jéhova apwézan. Konsa, pwan tan chak jou pou palé épi Jéhova an lapwiyè, épi pou li an pòsyon an Bib-la. Osi, atandé sé mitin-lan wéglé. Si nou fè sé bagay sala, nou kay ni fòs-la épi kouwaj-la pou wèsté fidèl anba pèsikasyon, menm si sé fanmi nou ki ka pèsikité nou. Zapòt Pòl té èspéyansé an chay pèsikasyon. Mé an Hibrou 13:6 i di: “Sé [Jéhova] ki ka édé mwen, mwen pa kay pè.”

An lòt bagay nou sa fè pou édé nou ni pli kouwaj, sé pou pwéché wéglé. Lè nou ka pwéché, nou ka apwann pou mété konfyans nou an Jéhova, épi pou ganyen a bout pèwèz lézòm. (Pwovèb 29:25) Alò, siʼw dévlopé kouwaj-la pou pwéché apwézan, ou kay byen pwépawé pou kontiné pwéché, menm si gouvèdman-an vlé doubout twavay pwèchman-an.​—1 Tèsalonnika 2:2.