• Chwazi Janʼw Byen
    Ou Sa Ni On Bon Lavi Pou Tout Tan!—Annou Wè Sa Bib-la Ka Di

    • 1. An ki mannyè janʼw sa enflouwanséʼw?

      Souvan, nou ka anmasé atitid épi kawaktè moun nou ka pasé tan épi, menm si sé asou intannèt-la nou ka asosiyé épi yo. Bib-la di nou, ‘moun-lan ki ka maché épi moun ki ni lasajès kay ni lasajès. Mé moun-lan ki ka swiv moun ki sòt kay ni an chay pwoblenm.ʼ (Pwovèb 13:20) Lèʼw ni jan ki enmen Jéhova, èk ki ka adowéʼy, yo sa édéʼw pou wèsté pwé Jéhova épi pou fè bon disizyon. Mé, lèʼw ni moun ki pa enmen Jéhova pou janʼw, yo sa annékòz ou pou kité Jéhova. Sé pou wézon sala Bib-la ka ankouwajé nou pou chwazi jan nou byen. Lè nou ni jan ki enmen Jéhova nou ka twapé bennéfis èk yo ka twapé bennéfis osi. Paski a lè sala, nou kay sa “ankouwajé yonn a lòt èvèk édé yonn a lòt.”​—1 Tèsalonnika 5:11.

  • Ki Mannyè Ou Sa Plè Jéhova Lè Ou Ka Palé?
    Ou Sa Ni On Bon Lavi Pou Tout Tan!—Annou Wè Sa Bib-la Ka Di

    • Lè Jéhova fè nou, i té ban nou an bèl kado. Kado sala sé abilité-a pou palé. Ès ou kwè mannyè-a nou ka sèvi kado sala enpòtan pou Jéhova? Wi, i vwéman antéwésé an sa nou ka di! (Li Jémz 1:26.) Konsa, ki mannyè nou sa plè Jéhova lè nou ka palé?

      1. Ki mannyè nou sipozé sèvi pawòl nou?

      Bib-la di nou pou “ankouwajé yonn a lòt èvèk édé yonn a lòt.” (1 Tèsalonnika 5:11) Ès ou konnèt on moun ki bizwen ankouwajman? Kisa ou sa fè pou édéʼy? Pitèt ou sa diʼy, ou ka apwésyéʼy. Ès ou konnèt yon lévanjil an Bib-la ki sa ankouwajé on moun ou konnèt? Bib-la ni an chay lévanjil ou sa sèvi. Bon. Ou ni pou chonjé ki, sa ou ka di èk mannyè-a ou ka diʼy, sa vwéman ankouwajé on moun. Konsa, lè ou ka palé épi moun toujou palé épi wèspé.​—Pwovèb 15:1.

      2. Ki mannyè nou pa sipozé palé?

      Bib-la di: “Pa kité pyès vyé konmézasyon sòti an bouch ou.” (Li Èfésòs 4:29.) Sa vlé di, nou pa sipozé sèvi mo sal, ében di bagay ki kay dékouwajé moun. Osi, nou pa sipozé palé moun mal èk sali non yo.​—Li Pwovèb 16:28.

      3. Kisa ki kay édé nou pou palé adan an mannyè ki kay ankouwajé moun?

      Souvan, sa nou di sa fè moun konnèt sa ki vwéman an tjè nou, ében sa ki asou lidé nou. (Louk 6:45) Konsa, nou ni pou fiksé asou bagay ki dwèt, bagay ki nèt, bagay ki bèl, épi bagay ki pa ka fè moun hont. (Filipay 4:8) Pou édé nou fè sa, nou ni pou chwazi bon jan èk bon anmizman. (Pwovèb 13:20) Apa di sa, avan nou palé, i kay bon pou nou pwan tan pou katjilé asou sa nou vlé di èk mannyè nou kay diʼy. Osi, toujou katjilé asou mannyè pawòl ou sa fè moun santi. Bib-la di: ‘Lè an moun palé san katjilé, pawòl li ka pitjé menm kon an sab, mé pawòl moun-lan ki ni lasajès sé an djéwizon.ʼ​—Pwovèb 12:18.

      ANNOU APWANN PLI

      Apwézan, annou apwann ki mannyè nou sa plè Jéhova èk ankouwajé lòt moun lè nou ka palé.

      4. Kontwolé pawòl ou

      Délè, nou tout ka di bagay nou ka wigwété. (Jémz 3:2) Annou li Galécha 5:22, 23, èk apwé nou kay kozé asou sé kwèsyon sala:

      • Pou édéʼw kontwolé pawòl ou, ki kawaktè an sé vèwsé sala ou sa mandé Jéhova pou? Ki mannyè ou kwè sé kawaktè sala sa édéʼw?

      Annou li 1 Kòrint 15:33, èk apwé nou kay kozé asou kwèsyon sala:

      • Ki mannyè janʼw èk anmizmanʼw sa afèkté mannyè-a ou ka palé?

      Collage: Actions leading a husband to speak harshly to his wife. 1. He listens to aggressive music. 2. He enthusiastically watches a boxing match on TV with his friend. Collage: Actions leading the same husband to speak kindly to his wife. 1. He reads the Bible. 2. He and his wife chat with a friend at the Kingdom Hall.

      Kisa ki sa enflouwansé pawòl ou?

      Annou li Ékléziyastis 3:1, 7, èk apwé nou kay kozé asou sé kwèsyon sala:

      • An ki sitiwasyon ou kwè i kay bon pou pa di anyen? An ki sitiwasyon ou kwè i kay bon pou èspéyé pou di sa ou vlé di?

      5. Di bon bagay konsèné lòt moun

      Lè nou ka palé épi moun, kisa ki kay édé nou pou pa dékouwajé yo? nnou gadé VIDIYO-A, “Palé Pawòl Ki Bon” Pou Ankouwajé Lézòt èk apwé nou kay kozé asou sé kwèsyon sala:

      VIDIYO: “Palé Pawòl Ki Bon” Pou Ankouwajé Lézòt (4:07)

      • An vidiyo-a, pouki fwè-a té vlé chanjé mannyè-a i té ka palé konsèné lézòt?

      • Kisa i té fè pou chanjé mannyè-a i té ka palé?

      Annou li Ékléziyastis 7:16, èk apwé nou kay kozé asou kwèsyon sala:

      • Kisa nou ni pou chonjé lè nou vlé mal palé moun?

      Annou li Ékléziyastis 7:21, 22, èk apwé nou kay kozé asou kwèsyon sala:

      • Ki mannyè sé vèwsé sala sa édéʼw pou pa faché lè on moun mal paléʼw?

      6. Lè ou ka palé épi fanmiʼw moutwé wèspé èk lanmityé

      Jéhova vlé nou moutwé wèspé èk lanmityé lè nou ka palé épi fanmi nou. Annou gadé VIDIYO-A, Lanmityé Èk Wèspé Ka Tjenn Fanmi An Lilyon èk apwé nou kay kozé asou kwèsyon sala:

      VIDIYO: Lanmityé Èk Wèspé Ka Tjenn Fanmi An Lilyon (3:08)

      • Lè ou ka palé épi fanmiʼw, kisa ki kay édéʼw pou moutwé lanmityé?

      Annou li Èfésòs 4:31, 32, èk apwé nou kay kozé asou kwèsyon sala:

      • Ki mannyè nou sa palé épi fanmi nou pou fè yo santi bon?

      Jéhova sé on bon ègzanp ban nou, paski i té di Gasonʼy Jézi, i enmenʼy. Annou li Mafyou 17:5, èk apwé nou kay kozé asou kwèsyon sala:

      • Lè ou ka palé épi fanmiʼw, ki mannyè ou sa imité ègzanp Jéhova?

      A mother commending her young daughter, who has just finished a drawing.

      Gadé pou lokazyon pou ankouwajé lézòt

      ADAN MOUN KA DI: “Mwen pa ka mété glo an bouch mwen. Mwen pa mélé si moun enmen sa mwen di opa.”

      • Ès ou dakò épi yo? Pouki?

      CHONJÉ SÉ PWEN SALA

      Pawòl nou ni an chay pouvwa. I sa édé moun ében dékouwajé moun. Alò, nou ni pou pwan tan pou katjilé asou sa nou vlé di, ki lè nou kay diʼy, èk ki mannyè nou kay diʼy.

      Annou Wivizé Sa Nou Ja Apwann

      • An ki diféwan mannyè ou sa sèvi pawòl ou pou édé lézòt?

      • Ki mannyè ou pa sipozé palé?

      • Kisa ki sa édé nou pou toujou palé épi lanmityé èk wèspé?

      Mi Yonndé Bagay Ou Sa Fè

      LÒT ENFÒMASYON OU SA GADÉ

      Lè nou ka palé épi moun, kisa ki sa édé nou pou sèvi pawòl ki ka ankouwajé lézòt?

      Éséyé Pou Palé Kon An Moun Ki Ni Lasajès (8:04)

      Apwann kisa ki sa édéʼw pou doubout sèvi mo sal.

      “Ès I Vwéman Mové Pou Sèvi Mo Sal?” (yon atik asou jw.org)

      Gadé kisa ki sa édéʼw pou pa palé moun mal.

      Kouman Mwen Sa Doubout Palé Moun Mal? (2:36)

      I té wèd pou an nonm doubout sèvi mo sal. Apwann mannyè Jéhova té édéʼy.

      “Mwen Té Ka Vwéman Katjilé Ki Koté Lavi Mwen Té Ka Alé” (Gad-la, li 1 Awou, 2013)