WER 159
Mi Deyo bot Jehovah
(Jabuli 96:8)
1. Nga marom ki in Jehovah?
In Laloc Mamalo Twal.
An pe atwero culo in
Pi mar madit ma inyuto.
Ka ailo wanga malo
Aneno deyo keken.
Dong an anga, ai Jehovah
Ma miyo iparo pira?
(DWAN ALWAK)
Jehovah Rwot, winy wer ma awero.
Wer me pak ki pwoc boti.
Lubangana, in Kabaka matwal.
In iporre me nongo
Deyo ki pakwa ducu.
2. Kwona megi, ai Jehovah.
Ticca nyuto pwoc boti.
Atito berri ki yomcwiny,
Dok anyuto yoni matir.
Tic boti, ai Rwot Jehovah
Keto deyo i koma.
In aye deyo ki tekka;
Bed ka tiro kwona matwal.
(DWAN ALWAK)
Jehovah Rwot, winy wer ma awero.
Wer me pak ki pwoc boti.
Lubangana, in Kabaka matwal.
In iporre me nongo
Deyo ki pakwa ducu.
3. Nam ki cere ki lung ducu,
Ceng, dwe ki lakalatwe
Gimwonya dok me aura,
Ginyuto marri ma pe gik.
Ryekoni, tekki ki deyo
Aye gin ma aneno.
Dong an pe atwero bedo
Labongo miyo pwoc boti!
(DWAN ALWAK)
Jehovah Rwot, winy wer ma awero.
Wer me pak ki pwoc boti.
Lubangana, in Kabaka matwal.
In iporre me nongo
Deyo ki pakwa ducu.
(Nen bene Jab. 96:1-10; 148:3, 7.)