Gamo Lapeny Me Cukul Me Tiokraci

Lapeny magi gibinyamogi i Cukul me Tiokraci i cabit ma cakke i nino dwe 29 me Dwe me Aboro, mwaka 2005. Lador wi Cukul bitelo lwak pi dakika 30 i gamo lapeny i kom gin ma kipwonyogi cakke i cabit me nino dwe 4 me Dwe me Abiro me o kwede wa i cabit me nino dwe 29 me Dwe me Aboro, mwaka 2005. [Nge lok man: Omyero iyeny lagam me lapeny ma pe kicimo ka ma myero icit iye pi lagam, in kikomi.—Nen i buk me Ministry School, pot 36-7.]

DIRO ME LOK

1. Watwero weko ‘jo ducu gingeyo mwolo ma watye kwede’ nining ka watye ka tito gen ma watye kwede bot dano, dok pingo man pire tek? (Pil. 4:5; Yak. 3:17) [be pot 251 para. 1-3, bok]

2. Pingo bedo ki niango konyowa me kwo ki dano i yo maber ka lok mo tye i kinwa? [be pot 253 para. 1-2]

3. Pingo tic ki lapeny pire tek ka wamito konyo dano wek gutam lok moni-ni matut? [be pot 253 para. 3-4]

4. Ngo ma omyero kong wange maber, ma ka wangeyo ci miyo waloko i yo ma weko dano giye lokwa? [be pot 255 para. 1-4, bok; pot 256 para. 1, bok]

5. Gin ango ma omyero wiwa pe owil iye ka wamito tic ki lok ma nongo pe kikwanyo ki i Baibul me nyuto ni lok ma tye i Ginacoya tye atir? [be pot 256 para. 3-5, bok]

PWONY ME 1

6. Gin ango ma nyuto atir ni Yecu okwo ada? [w03 6/15 pot 4-7]

7. ‘Lok pa jo ma cwinygi tye atir larogi’ nining, dok doggola pa jo ma kit atir “biri nakanaka” nining? (Car. 12:6, 7) [w03 1/15 pot 30 para. 1-3]

8. Wan watwero ‘niang gin ma Jehovah mito ni watim’ nining, kit ma yo ma kicoyo kwede Baibul pe ryeyo gin ma omyero watim ki ma pe omyero watim woko ducu? (Ep. 5:17) [w03 12/1 pot 21 para. 3–pot 22 para. 3]

9. Pwony ango me Baibul ma watwero tic kwede ka wan wabedo lucan ma peko me lim odiyowa? [w03 8/1 pot 5 para. 2-5]

10. Lanen ma Jehovah onyuto me miyowa jami labongo kit cul mo omyero ogudwa nining? (Mat. 10:8) [w03 8/1 pot 20-2]

YUB ME KWANO BAIBUL PI CABIT DUCU

11. Wir ma kilwongo ni Jakin ki Boaj ma onongo tye i doggola me ot pa Lubanga ma Solomon ogero-ni onongo cung pi gin ango? (1 Luker 7:15-22)

12. Boma 20 ma onongo gitye i lobo Galilaya ma Solomon omiyo bot Kabaka Kiram me Turo onongo mono rwatte ki Cik pa Moses? (1 Luker 9:10-13)

13. Bedo labongo winy ma “dano pa Lubanga” moni-ni obedo kwede-ni twero pwonyowa ki gin ango? (1 Luker 13:1-25)

14. Yo ango ma Kabaka Aca me Juda onyuto kwede tek cwinye, dok wan watwero pwonyo gin ango ki i lanenne-ni? (1 Luker 15:11-13)

15. Gin ma otimme i kom Kabaka Akab ki Nabot nyuto rac pa bedo ki cwiny marac nining? (1 Luker 21:1-16)