Lok Angeya

◼ Marci: Wabitero buk me Baibul Mono Ada Pwonyo Gin Ango? Lutit kwena myero gubed ki tam me cako kwano Baibul ki dano ka ma kiweko iye buk man nyo ka rwod ot dong tye ki buk man. April ki Mai: Ter Watchtower ki Awake! Ka itye ka dok cen bot jo ma gunyutu miti kacel ki jo ma gimaro bedo tye i kare me Nipo nyo ma gibino i cokke kicel kicel, yelle matek me miyo buk me Baibul Mono Ada Pwonyo Gin Ango? Mitiwa myero obed me cako kwano Baibul ki dano i buk man. Juni: Wabitero buk me Baibul Mono Ada Pwonyo Gin Ango? Ka rwod ot dong tye ki buk man, ci lutit kwena giromo tic ki buk me Wor Lubanga Acel me Ada, Ngec ma Terowa i Kwo ma Pe Tum, nyo brocuwa me Ngo ma Lubanga Mito ki Botwa?

◼ Omyero kimi Watchtower ki Awake! ma obino manyen bot lutit kwena cutcut teke oo, man biminigi kare me kwano lok ma tye i igi ma nongo peya gutero magajin magi i ticwa me pwony.

◼ Kwero Nipo bibedo i Ceng Aryo Marci 30, 2010. Wer namba 8 ki 109 ma kikwanyogi ki i buk werwa manyen-ni aye kibitic kwedgi i yub me Nipo. Ka kacokkewu bedo ki cokke i Ceng Aryo, ci kiromo lokone me bedo i nino mukene i cabit meno. Ka kacokke makato acel girwatte i Ot me Ker acel-lu dok pe kiromo loko nino me cokke man, ci cokke man kiromo ngolone woko. Ento but yub mogo me Cokke me Ticwa ma tutwalle tye me kony bot kacokkewu kiromo nyamone i Cokke me Ticwa mukene.