“Aromo Kwano Cawana Nining?”

In dong itemo penye kit meno? Cik ma kiketo piwa i buk me Organized pot karatac 86-87 romo bedo me kony. Medo i kom meno, tam mogo katti kicel kicel, kit macalo tye i Bok me Lapeny i Ticwa Me Ker me Sektemba 2008. Kit macalo dano tye ki cawagi mapat pat-ti, pe kiminiwa cik mapol i kom lok man. Pi man, pe mitte ni luelda nyo jo mukene dok gumed cik mukene i wi ma kimiyogi-ni.

Ka kipenyo lapeny mo ma lagamme pe kicoyo i kom lok man, latit kwena acel acel myero kong otam lok magi: Mono atiyo ki cawa man i tic me pwony? Nyo atiyo kwede me timo gin mo mapat ma pe kwako tic me pwony? Cawa ma wacoyo i fom me ripotwa dwe ki dwe myero omi wabed ki yomcwiny ento pe obed gin ma kelo arem me poto cwiny aye. (Tic 23:1) Adada, gin mukwongo ma myero watam pire aye, pe kit ma myero wakwan kwede cawa-wa, ento kit ma myero wati kwede maber i yo ma dongowa i tic me pwony.—Ibru 6:11.