Ripot me Ticwa Wiye Wiye

Kenya: Waneno medde pa ticwa i dwe me April. Kicuko cwiny dano me tic calo painia pi tutunu dok dano mapol gucwako tic man kun wabedo ki wel mamalo pud dong loyo, painia pi tutunu 6,920, cawa 661,233, magajin 285,011, dok cen ka lim 188,847, lutino kwan me Baibul 41,410. Wel lutit kwena ma gumiyo ripotgi i dwe me April obedo 24,198; ma omedde ki pacen 6, man pud dong obedo wel mamalo loyo i mwaka me ticwa-ni. Cok cok pacen 42 i kom lutit kwena ducu gutiyo calo painia pi tutunu, painia marii, painia keken nyo lumiconari. Ki bene, jo mapol ma pe gutwero tic calo painia pi tutunu gumedo cawa me ticgi. Wel dano ma gubedo tye i Nipo obedo 66,364, ma ododo wel lutit kwena ducu me Kenya tyen adek.

Uganda: Wabedo ki wel mamalo pud dong loyo i ticwa ducu i dwe me April. I kom lutit kwena 5,438, gin 1,855 gutiyo calo painia pi tutunu. Man dodo wel dano ma gutiyo calo painia pi tutunu i dwe mo acel cokcok tyen angwen kulu! I kare meno gucwalo cawa 165,358 i tic me pwony, gudok cen ka lim tyen 80,741 dok gukwano Baibul ki dano 15,222. Wel dano ma gubedo tye i Nipo omedde wa i 21,393. Pud dong watye ki yomcwiny madit ya me neno kit ma jo pa Jehovah ‘gumine kwede me tito lok!’—Tic 18:5.