“Wan Pe Wailo Cingwa”

4:16-18

Go kong ni tye jo me odi aryo mapatpat ma gipango ot mo mutii adada i kabedo acel. Luot acel gipe ki gen mo keken. Ento luot mukene-ni gitye ki yomcwiny. Pingo? Pien cokcok-ki gibidak i ot mo manyen dok mamwonya adada.

Kadi bed “jami ducu ma giketogi aketa, gubedo ka cur acura ki arem nio wa i kare-ni,” lutic pa Lubanga gitye ki gen ma weko gimedde ki kwo i kare-ni. (Rom 8:22) Wangeyo ni pekki ma i kare-ni kadi wa ma dong orii pi mwaki mapol ‘pe pek, dok bedo pi kare mo manok keken’ ka kiporo ki kwo pi naka i lobo manyen. Keto genwa i kom mot ma wabinongo i anyim i te Ker pa Lubanga bikonyowa me bedo ki yomcwiny mo olo kun pe wailo cingwa.