KWOWA MACALO LUKRICITAYO

Kwo Maleng ki Woro Matut Loko Cwiny Dano

Mon ma gudoko luye pol kare giloko cwiny coggi ci gijolo ada pi kitgi mabeco. Ento i kine mogo mito diyo cwiny pi mwaki mapol. (1Pet 2:21-23; 3:1, 2) Ka pe kiteri maber, medde ki loyo gin marac kun itimo gin maber. (Rom 12:21) Lanenni maber-ri twero kelo adwogi maber loyo lok ma iloko.

Temme me niang kit ma luoti winyo kwede. (Pil 2:3, 4) Nyut niango ki cwiny me kica, dok temme ki keroni ducu me cobo ticci macalo dako ot. Cik iti ka en tye ka lok. (Yak 1:19) Di cwinyi, dok wek en onge ni imarre. Kadi bed ni luoti pe nyutti kica ki woro, itwero bedo ki gen ni Jehovah tye ki pwoc pi genneni.—1Pet 2:19, 20.

NEN VIDIO MA WIYE TYE NI JEHOVAH JINGOWA ME TINGO YECWA, CI IGAM LAPENY MAGI:

Kit kwo ango ma Grace Li owok ki iye i acakki me nyomgi?
Gin ango ma oweko en ojolo lok ada me Baibul?
Lamego Li ociro kwo matek nining i nge nongo batija?
Lamego Li olego pi gin ango ma dok i kom cware?
Mot ango ma lamego Li onongo pi ber kite ki worone?

Lamego mo ma tye ka kwano Baibul ki Grace Li; Grace tye ka koko i kin ot; Grace kacel ki lutinone gitye ka a ki i otelgi me cito i cokke; Grace kacel ki lupacone — Kwo Maleng ki Woro Matut twero gudo cwiny dano adada!