Lok ma Tye i Iye

Jami adi ma dong ikwonge me timone pi Jehovah? Tika itamo ni itye ka timo jami ducu ma itwero me cobo kwongeni? Kwongeni me dyere, nyo me nyom kono? I pwony man, wabipwonyo jami mapol ki i kom kit ma Jeputa gin ki Anna gucobo kwede ki kwongegi. Man twero konyowa me cobo kwongewa bot Lubanga.

Pol kare watamo i kom gin ma Jehovah biminiwa i Paradic. Ento i pwony man, wabinyamo jami angwen ma Jehovah bikwanyogi wek wabed ki kuc kacel ki yomcwiny i lobo. Pwony man bijingo niyewa ki mitiwa me diyo cwinywa.

Ka watamo ni kiterowa i yo marac nyo kingolo kop alenga i komwa nyo i kom ngat mo, ci man twero temo niyewa, mwolowa ki dong gennewa. Pwony aryo magi binyamo jami adek ma kicoyogi i Baibul ma twero konyowa me bedo ki neno matir calo Jehovah.

Kadi bed ni Jehovah pe mito gin mo keken ki botwa, ento cwinye bedo yom ka en neno tutewa me cwako locce. Wabinongo pwony ki i Lungolkop cura 4 ki 5 ma nyuto ni Jehovah pwoyo cwiny me jallewa me tic pire ki me lubo cikke.