Lok ma Tye i Iye

Dano ma i but lobo-ni ducu gimito bedo agonya. Lukricitayo myero gunen mot me bedo agonya nining? Pwony aryo magi bitito gin ma bedo agonya kikome kwako, kit ma watwero bedo agonya, ki dong kit ma watwero tic ki mot man i kwowa ki bene me konyo jo mukene. Ma pire tek loyo, wabipwonyo kit ma watwero miyo deyo bot Jehovah, Lubanga ma weko wabedo agonya i yo me ada.

I pwony magi, wabipwonyo ni Jehovah kare ducu cuko cwiny luticce. Wabineno kit ma gin bene gulubo lanenne ki cuko cwiny jo mukene. Wabiniang gin mumiyo myero wacuk cwiny luwotwa, makatone kombeddi.

Ka jo matino giketo tamgi me yomo cwiny Jehovah, ci gibedo ki yomcwiny. Pwony man miyo tyen lok mumiyo jo matino myero gubed ki yub i tic pa Jehovah, kun giweko tic me pwony bedo gin ma pire tek loyo i kwogi.