Myero dong itim ango?
50 In imito bedo nakanaka ipoto ma ber me paradic?
Ci dong imede ki pwonyo lok ma Lubanga waco. Tem pwonyo kwano jiri.—Lukana 17:3; Niyabo 1:3
51 Mede ki pwonyo lok kom Yecu.—Cik 18:18, 19; Lukana 3:16; Tic pa Lukwena 3:19-23
52 Tem tino jami ma beco keken, dok bene lub cik pa Jehovah.—Luroma 6:17, 18, 22
53 Poo ni Jehovah waco ni myero pe wanek dano.—Niaa 20:13; 1 Lukana 3:11, 12
54 Myero pe wakwal jami pa jo mukene.—Niaa 20:15; Luepeco 4:28
55 Laco myero pe obed nyo obut ki dako ma pe en onyomo.—Niaa 20:14, 17; 1 Lutecalonika 4:3
56 In ipoo mon adi ma Lubanga oye ni laco myero obed kwede? Nyo pi kare marom mene ma laco obed ki dakone?—Nicako 2:22, 24; Matayo 19:5, 6; 1 Lukolinti 7:2, 10, 11
57 Poo bene ni myero wawor Jehovah keken.—Matayo 4:10; 1 Lukolinti 8:6
58 Lubanga apaya nyo gin acala ma Kipayo nyo kigoyo ki cing pe gikonyo wan. Pi ngo?—1 Lukolinti 8:4
Ber mono mebedo ki cal pa Lubanga ma ki payo nyo cal ma dano aye oyubo?—(Deuteronomy) Cik 27:15; 1 Lakana 5:21
59 Pingo rac mebedo ki jami me tyet nyo nitic ki jok?—(Deuteronomy) Cik 18:10-13; Niyabo 21:8
60 Lumaraika maracu nyo jogi gin gubijemo ikom Lubanga. Kumbedi gin tiyo ki lutyet me ngako dano.—Tic pa Lukwena 16:16
61 Myero walegu Lubanga. Lega en aye lok ki Lubanga kun watite ni wamito tino tic mere, dok bene wapenyo kwede kony nia ki bote.—Lupilipi 4:6, 7
62 Myero wawiny lok pa Yecu ki niketo gen ikome.—Luebrania 5:9; Lakana 3:16
63 Poo niya en otoo pi laro wan.—Luroma 5:8
64 Poo ni Yecu en Rwot mewa makome pe nen kamaleng. Myero wawiny lok mere.—Lupilipi 2:9-11; Niyabo 19:16
65 Yecu owaco ni myero itit bot dano lok mabeco ma dong ipwonyo ingeyo; ki dok bene ni jo mamito tino tic pa Lubanga myero kong ki batica gin.—Matayo 28:19, 20; Lakana 4:7-15
66 Pi meno itwero tito ki luremi lok magi mabeco ni.—Matayo 10:32
67 Ka ipwonyo kwan ma ber, itwero konyo kwede jo mukene ma ber mukato.—2 Temeco 2:15
68 Yecu bene nene opwonyo litino matino ni gulub cik pa Lubanga. Ma dwong pa tic onongo pe genge lok kwedgi.—Matayo 19:13-15
69 Lunyodo myero kare ducu gupwony litino wek gulub cik pa Lubanga ki ni mare bene.—(Deuteronomy) Cik 6:6, 7; Caro Lok 6:20-22; Luepeco 6:4
70 Tye kanica mapol mapat pat. Pol pwony gi pe aa ki i jiri. Jehovah waco ki wan ni myero wawek dini ma pe pwonyo lok me ada.—Niyabo 18:4; Lukana 4:23, 24
71 Jehovah tye ki lwak dano iwilobo kany matwero pwonyi lok kome. Ingeyo jo ne?—Tic pa Lukwena 15:14; Luroma 10:14, 15
72 Gin aye Jehovah’s Witnesses (Lucaden pa Jehovah). Gin tye ki kuc ikingi kekengi. Ingeyo pingo gin bedo kit meno? Pien gin gimare kekengi.—Icaya 43:10-12; Lakana 13:34, 35
73 Pimaro Jehovah bene omiyo kibatija gin. Man en aye yoo ma gin nyutu kwede inyim dano ni dong giweko tim ma raco ikwo megi, dok bene dong guloke kakonyo tic pa Lubanga.—Tic pa Lukwena 2:41
74 Jehovah’s Witnesses (Lucaden pa Jehovah) gigeno ni gibibedo i paradic ma ber ma nyen.—Jabuli 37:9-11, 29
Itwero timo gin ango wek in bene ibed kwedgi kunu?—Yakobo 1:22, 25; 2:20-26
75 Dony botgi wek in bene ipwony kit me tiino tic pa Jehovah. Gin gimaro dok bene gin lubo cik pa Jehovah ki Christo Yecu. In imaro gin? Iye me konyo jo mukene wek gunge lok kum Lubanga?—Lakana 6:45-47
76 Jehovah gin ki Christo Yecu gimari, dok bene gimito ni ibed kwo nakanaka i paradic.—Lakana 3:16
Gin ma in ipwonyo inge ngino cal ki lok ma tye i latin buk man omiyo ki in ada labongo akalakala miti me bedo ki yomcwiny iwilobo nakanaka. Ka onongo imito mede ki pwonyo lok man, watamo ni bibedo ber ka iloko ki ngat acel ikin lucaden pa Jehovah ma cok kwedi. Nyo in iromo cono waraga i ofici ma kinyutu i Pot karatac me aryo i Latin buk man.