Lega me Pwoc

1. Ber kit Jehovah, weko wapakke,

Ai, Rwot, wan wacwalo dwanwa boti.

Wabino i nyimi, Lawiny lega,

Wakette i cingi, gwokwa maber.

Nino duc balwa nyutu gorowa;

Wan wakwayo kicani wek balwa.

I wilowa ki remo pa Wodi.

Mitiwa dong tye ni in ipwonywa.

2. Gitye ki yomcwiny jo ma ilwongo

Ka nongo pwony kacel ki deroni.

Pwonywa me ngeyi; Lokki telowa.

Wamito ni wabed i ot meri.

Tekoni tye gin mo me aura,

Imiyo luticci tek cwiny me cung.

Lubanga lalar, wajolo Kerri.

Myero watit pire pien bibino.

3. Wek gwok meri okeliwa yomcwiny;

Mi woroni orom lobo ducu.

Kerri bibino ki deyo madit,

Me jwayo two, to, par, ki pig wang duc.

Wodi bityeko gin duc maraco;

Ginacweya duc biwer ki yomcwiny.

Waweru kun wadange ki yomcwiny:

“Pak Jehovah Kabaka me deyo!”