Wi Lubele ma i LAIBRARI ME INTANET
Wi Lubele
LAIBRARI ME INTANET
Acholi
  • BAIBUL
  • BUKKE
  • COKKE
  • lfb pwony me 87 pot 204-pot 205 para. 2
  • Kwer me Kato me Agikki pa Yecu

Vidio mo pe kany.

Timwa kica, peko mo manok otimme i kom vidio.

  • Kwer me Kato me Agikki pa Yecu
  • Pwony ma Itwero Nongo ki i Baibul
  • Pwony macok rom
  • I Kicika ma Malo
    Bukka me Ododo me Baibul
  • “Wutim Kuman me Po Pira”
    Wi Lubele Tito pi Ker pa Jehovah—2013
  • Cam pa Rwot me Otyeno—Kwer ma Miyo Deyo ki Lubanga
    Baibul Mono Ada Pwonyo Gin Ango?
  • Yecu Opito Dano Alip Mapol
    Pwony ma Itwero Nongo ki i Baibul
Nen Mukene
Pwony ma Itwero Nongo ki i Baibul
lfb pwony me 87 pot 204-pot 205 para. 2
Yecu ocako te kwer me Cam me Otyeno pa Rwot kacel ki lukwenane apar wiye acel ma lugen

PWONY ME 87

Kwer me Kato me Agikki pa Yecu

Lujudaya onongo gikwero kwer me Kato mwaka ki mwaka i nino dwe 14 me dwe me Nican. Kwer man onongo tye me poyo wigi i kom kit ma Jehovah ogonyogi kwede ki i opii i lobo Ejipt ci okelogi i Lobo ma Kiciko Pire. I mwaka 33 K.M., Yecu kacel ki lukwenane gukwero kwer me Kato i rum mo ma malo i Jerucalem. I nge cam meno, Yecu owaco ni: ‘Ngat acel i kinwu aye bidota.’ Lukwena guuro lokke mada, ci gupenyo Yecu ni: ‘Anga-ni?’ Yecu ogamo ni: ‘En aye ngat ma abimiyo mugati man bote.’ Ci omiyo mugati bot Juda Iskariote. Cutcut, Juda oa malo okato woko.

I ngeye, Yecu olego ka ocako baro i mugati, omiyo bot lukwena ma gudong-ngi. En owaco ni: ‘Wucam mugati man. Cung pi koma, ma abimiyone piwu.’ En dok opwoyo Lubanga pi kongo vino ci omiyo bot lukwenane, kun waco ni: ‘Wumat kongo vino-ni. Cung pi remona, ma abionyo wek kitim kica pi bal. Acikke ni wubibedo luker kacel kweda i wi polo. Wutim kuman mwaka ducu me po pira.’ Mwaka ki mwaka, lulub kor Yecu pud gicokke kacel i otyeno meno. Cokke meno kilwongo ni Cam me Otyeno pa Rwot.

I nge cam, lukwena gularo lok i kom ngat ma pire tek loyo i kingi. Ento Yecu owaco botgi ni: ‘Ngat madit i kinwu aye ngat ma nenne kekene calo ngat matidi, nyo ngat ma pire pe tek.’

‘Wun lurema. Atittiwu jami ducu ma Wora mito ni awacciwu. Cokcok-ki, abicito bot Wora i polo. Wun wubidong kany, ento dano ducu bingeyo ni wun lupwonnyena ka mar tye i kinwu. Omyero wumarre kekenwu kit macalo amarowu kwede.’

Lacen, Yecu olego kun kwayo Jehovah ni ogwok lupwonnyene ducu. En okwayo Jehovah ni okonygi me tic kacel kun gigwoko kuc i kingi. En olego ni kilony nying Jehovah. I ngeye, Yecu ki lukwenane guwero wer me pako Jehovah ci gukato woko. Kare me mako Yecu onongo dong cok.

“Pe wulwor, wun romi manok, pien Wonwu oye atika me miyo botwu ker.”​—Luka 12:32

Lapeny: Yecu ocikke bot lukwenane ningo? Pwony ma pire tek ango ma Yecu opwonyo kwede lukwenane i kare ma en ocamo cam me agikki kwedgi?

Matayo 26:20-30; Luka 22:14-26; Jon 13:1, 2, 26, 30, 34, 35; 15:12-19; 17:3-26

    Gin akwana i leb Acholi (1996-2024)
    Kat Woko
    Dony i Iye
    • Acholi
    • Nywakki
    • Jami ma imito
    • Copyright © 2025 Watch Tower Bible and Tract Society of Pennsylvania
    • Cik pi Tic Kwede
    • Privacy Policy
    • Privacy Settings
    • JW.ORG
    • Dony i Iye
    Nywakki