Lok me Cako Bute me 6

I kare ma jo Icrael guo i Lobo ma Kiciko Pire, kema me woro odoko kabedo me woro me ada. Lulamdog onongo gipwonyo Cik, dok lungolkop onongo gitelo wi rok. Bute man nyuto kit ma tic pa ngat moni nyo tam ma en moko gudo kwede jo mukene. Laicrael acel acel onongo myero obed lagen bot Jehovah dok oter lawote maber. Nyut kit ma Debora, Naomi, Yocwa, Anna, nya pa Jeputa, ki Camuel gugudo kwede kwo pa dano me kabedogi. Nyut ka maleng ni kadi wa jo mogo ma pe gubedo jo Icrael, calo Rakab, Ruth, Yayeri, ki jo Gibeon gumoko tamgi me cwako jo Icrael pien guniang ni Lubanga tye kwedgi.