‘Jehovah Aye Lakwatta’

1. Jehovah aye Lakwatta;

Alubo ka ma tera.

En ngeyo gen ma tye i cwinya;

Ngeyo gin ma amito.

Tera i olet ma olot,

I kabedo ma tye mot.

Dok en tela kare ducu ki mar

Ka ma an aywe ki kuc.

En tela kare ducu ki mar

Ka ma an aywe ki kuc.

2. Yoni ducu kela yomcwiny,

Yo meri me kit matir.

Pe iwek arweny ki i yoni

Wek an awot ki niye.

Kadi i nota macol cuc,

Igwoka ki lut me kwat,

Pe alworo ni gin mo biwana,

Pien in aye Larema.

Pe alworo ni gin mo wana,

Pien in aye Larema.

3. Jehovah, in Lakwat mera;

Alubi ka itela.

Ijinga dok imiya yweyo;

Icobo mitina duc.

Genna tye matek i komi,

Pien in Lubanga makwo.

Mar meri myero obed i koma

Pi kare me kwona duc.

Marri myero obed i koma

Pi kare me kwona duc.