Cam me Otyeno pa Rwot

1. Jehovah, Wonwa ma i polo,

Man obedo dyewor maleng!

Yam wacon, i nino calo man inyuto

Marri, ryeko-ni ki tekki.

Latin romo me nino Paska,

Omiyo gwokke bot joni.

Mwaki lacen Rwotwa oonyo remone

Pi cobo lok ma kiloko con.

2. Vino, mugati poyo wiwa,

Pi wel madit ma kiculo.

Wodi ma imiyo

otimo gin madit,

Owinyi i kwo wa i to.

Wagwoko nino me Nipo man;

Man dyewor me poyo wiwa

Pi kit ma to pa Wodi

oculo ginkok

Ma olaro wan duc ki i to.

3. Wacokke kacel tin i nyimi.

Wan wabino pi lwongoni

Me miyi pak pi marri me

cwalo Kricto

Ki miyo deyo bot Wodi.

Cam me otyeno man keli pak

Dok jingo cwinywa ki tamwa.

Wabiwot i yo ma Kricto onyutiwa,

Ci wabinongo kwo ma pe tum.