WER 48
Wot ki Jehovah Nino ki Nino
Kit ma Nen Kwede i Buk Kikome
(Mika 6:8)
1. Nino ki nino wawoto
Kacel ki Wonwa me amara.
En nyuto bot jo ma yenye
Kica ma pe oporre pigi!
En okokowa pi marre;
Miyo wamako cinge.
Dong pi meno wan wadyere;
Wan wacung tung bot Jehovah.
2. Catan tye ki twon akemo,
Pien yub me kare man dong cok gik,
Wan warwatte ki adage
Ma miyo wabedo ki lworo.
Dong Jehovah en lagwokwa;
Wabedu macok kwede,
Wek wati pire nino duc.
Marre matek ma pe ingak.
3. Lubanga omiyowa kony
Kun tiyo ki cwiny ki Lok mere,
Ki kacokke pa Lukricto,
Ki dok winyo lega ma mewa.
Ka wawoto ki Jehovah,
Wabitimo gin matir.
En konyowa gwoko genwa
Kun wan wawoto ki mwolo.
(Nen bene Acak. 5:24; 6:9; 1 Luker 2:3, 4.)