WER 92
Kabedo ma Kilwongo ki Nyingi
Kit ma Nen Kwede i Buk Kikome
(1 Tekwaro 29:16)
1. Deyo man dit mada, Jehovah,
Me gero gedo i nyingi!
Wamini kombeddi ki yomcwiny
Me meddi deyo ki yweka.
Gin mo keken ma wan wamini,
Gire obedo megi con.
Tic mewa, dirowa, jamiwa,
Wamiyo ki cwinywa ducu.
(CHORUS)
Wek wamini kabedo man,
Mi nyingi ongene kany.
Wan wadyeri kabedo man;
Tim ber gam calo meri.
2. Dong tin wamini woro, Wonwa,
Ki wero pak i gedo man.
Nong twon deyo madit pi medde
Pa jo ma gipwonyo yoni.
Wadyero kabedo me wori,
Kun wagwoko ki cwinywa duc.
Dong myero ocung calo caden,
Okony kwena ma watito.
(CHORUS)
Wek wamini kabedo man,
Mi nyingi ongene kany.
Wan wadyeri kabedo man;
Tim ber gam calo meri.
(Nen bene 1 Luker 8:18, 27; 1 Tekwaro 29:11-14; Tic 20:24.)