WER 121
Jukke Ken Mitte Botwa
Kit ma Nen Kwede i Buk Kikome
(Jo Roma 7:14-25)
1. Maro Jehovah ki cwiny, tam, ki kwo;
Ber ento pi rocwa, jukke ken mitte.
Lubu kit me kom kelo peko;
Ento me cwiny kelo kuc ki kwo.
2. Catan temowa nino ki nino,
Cik me bal me komwa romo rwenyowa.
Teko me ada dit kato bal.
Wapwo Jehovah, pien waloyo.
3. Lokwa ki ticwa pako Jehovah,
Dong wagwokke wek pe gikok i komwa.
I ticwa duc, wacobo yub man:
Wabedu jo ma wajukke ken.
(Nen bene 1 Kor. 9:25; Gal. 5:23; 2 Pet. 1:6.)