Ngec Bot Wele

BATIJA Kabedo pi jo ma binongo batija bibedo anyim cok ki wi abam. Jo ma gubinongo batija omyero gubed kacel i kabedo meno ma nongo peya kicako miyo pwony me batija i Ceng Abicel odiko. Ngat acel acel myero okel tawulu ki bongo mupore me lutte i pii.

JAMI MA ORWENY CI KINONGO Jami ducu ma orweny ci kinongo myero kiter i Dipatmen ma Gwoko Jami ma Orweny ci Kinongo. Ka ce irwenyo gin mo, cit ingii i dipatmen man. Lutino ma nongo gurweny woko ki bot lunyodogi myero bene kitergi i dipatmen man. Ento, wek man pe dok okel abar wic, tim ber igwok lutinoni maber dok iwek gubed boti.

KABEDO Tim ber ipar pi jo mukene. Wi opo ni ka ibigwoko kabedo ci omyero igwok pi jo ma nongo wuwoto kacel kwedgi i mutoka acel, jo ma wubedo kwedgi i paco acel, nyo jo ma itye ka kwano Baibul kwedgi keken. Tim ber pe iket jami i wi kabedo ma odong nono.

KONY PI LITKOM Omyero inge ni kony man tye pi two ma nongo opoto atura keken.

LUJOL WELE Lujol wele kiketogi me konyi. Tim ber ilub gin ducu ma giwacci ma dok i kom ka gwoko gin wot, gwoko lwak, donyo nyo kato woko ki i ot gure, mako kabedo, ki jami mukene ma tye.

MINE ME KONYO TIC Ka imito mine me konyo tic me yubo kabedo me gure madit, tim ber icit i Dipatmen me Ngec ki Jo ma Gumine me Konyo Tic.

MOT Kityeko tic ki cente mapol me keto yub maber madok i kom kabedo, lakub dwan, ki jami mukene mapol ma weko yub me gure madit man bedo mamit dok konyowa me nyikke cok bot Jehovah. Mot ma meri ma a ki i cwinyi konyo me culo pi jami magi dok cwako bene ticwa ma kwako wi lobo ducu-ni. Wek miyo motti obed yot, canduk me bolo mot tye i kabedo ducu me gure man. Itwero bene miyo motti kun itiyo ki kabedowa me Intanet me donate.jw.org. Kimiyo pwoc madit tutwal pi mot ducu. Lukiko Madit cwalo pwocce pi mot ma wumiyo me konyo kor tic me Ker-ri.

COKKE MA PIGI TEGO

Cukul pi Lutit Kwena me Ker-ri Painia ma gitye ki mwaka 23 o kwede wa i 65 ma gimito medo ticgi me pwony kilwongogi me bedo tye i cokke pi jo ma gimito cito i Cukul pi Lutit Kwena me Ker-ri i dyeceng me Ceng Cabit. Kabedo ki cawa ma cokke man bibedo iye kibimiyo i lok angeya con.