Nyut Tekcwiny

Gin ma Yecu Otimo

VIDIO: Yecu Otito Kwena Bot Jakayo

1. Nen VIDIO, nyo kwan Luka 19:​1-7. I nge meno, tam i kom lapeny magi:

1. Pingo jo mukene onongo gitwero kwero lok ki Jakayo?

2. Kadi bed kit meno, gin ango ma otugo cwiny Yecu me nywako kwena maber kwede?

Pwony Ango ma Wanongo ki Bot Yecu?

2. Wamito tekcwiny me tito kwena me Ker-ri bot dano ducu kun pe wayerogi ayera.

Lub Lanen pa Yecu

3. Jenge i kom Jehovah. Cwiny maleng pa Lubanga omiyo ki Yecu tekcwiny me tito kwena, dok twero konyi bene. (Mat. 10:​19, 20; Luka 4:18) Leg bot Jehovah wek omini tekcwiny me tito kwena kadi wa bot jo ma itwero bedo ki lworo i komgi.—Tic 4:29.

4. Pe ingol kop i wi dano. Watwero bedo ki gung cwiny me lok ki jo mogo pi kit ma ginen kwede, rwom me kwogi, dinigi, nyo kit ma gikwo kwede. Ento wi opo ni:

1. Jehovah ki Yecu gitwero neno gin ma tye i cwiny dano; ento wan pe watwero.

2. Pe omyero wawiny calo ngat moni dong pe twero nongo kony ki bot Jehovah kulu.

5. Bed ki tekcwiny kun bene igwokke dok inyuto woro. (Mat. 10:16) Gwokke ki laro lok. I yo me mwolo, gik lokwu woko ka dano meno pe mito winyo lokki nyo iwinyo calo kwoni tye ka mading.—Car. 17:14.