Lok Lok Atyer ka Maleng

Gin ma Yecu Otimo

VIDIO: Yecu Omiyo Tira Bot Awobi ma Lalonyo

1. Nen VIDIO, nyo kwan Marako 10:​17-22. I nge meno, tam i kom lapeny magi:

1. Kit mabeco ango ma twero bedo ni Yecu oneno i kom awobi ma lalonyo-ni?

2. Pingo onongo mitte ni Yecu obed ki mar dok owac lok atyer ka maleng i kare ma tye ka miyo tira bot awobi-ni?

Pwony Ango ma Wanongo ki Bot Yecu?

2. Mitte ni wanyut mar bot lutino kwanwa, ento bene pe wamung lok, wek wakonygi me dongo i yo me cwiny.

Lub Lanen pa Yecu

3. Kony latin kwanni me keto kacel ki cobo yub me cwiny.

1. Ti ki bute me “Gin me atima” ma tye i pwony acel acel i buk me Bed ki Kwo Maber Nakanaka!

2. Kony latin kwanni me niang jami ma myero en otim me cobo yub ma en tye kwede pi tutunu ki mukene ma tero kare malac me acoba.

3. Pwo latin kwanni kare ki kare pi dongone.

4. Niang ariya ma gengo latin kwanni ki dongo, dok ikonye me loyo ariya magi.

1. Pennye kekeni ni:

   • ‘Ka latin kwanna pe tye ka dongo, ngo ma twero bedo ni tye ka genge?’

   • ‘Gin ango ma atwero timone me konye?’

2. Leg pi tekcwiny me tito ki latin kwanni gin ma myero en otim kun iloko atyer ento i yo me mar.

5. Juk kwano Baibul ki lutino kwan ma pe gitye ka dongo.

1. Tem niang ka latin kwanni tye ka dongo i yo me cwiny kun ipennye kekeni ki lapeny magi:

   • ‘Tika ada latin kwanna tye ka keto i tic gin ma en pwonyo?’

   • ‘Tika en woto i cokke pa Lukricitayo dok nywako lok ada ma en opwonyo ki jo mukene?’

   • ‘Ka en dong okwano pi kare malac, tika en tye ki miti me doko Lacaden pa Jehovah?’

2. Ka latin kwan me Baibul pe mito dongo i yo me cwiny:

   • Penye me tam i kom gin ma twero bedo ni tye ka genge ki dongo.

   • Tite i yo me kica pingo imito giko kwanwu woko.

   • Wek en onge gin ma myero otim ka mito ni imedde ki kwan kwede doki.