LAPENY MA KIGAMO ME BAIBUL

Lubanga mono nyinge anga?

Jo me otwa weng gitye ki nyinggi. Kadiwa lee ma wagwokogi paco bene gitye ki nyinggi! Tika pore ni Lubanga bene myero obed ki nyinge? I Baibul, Lubanga tye ki nying me dog tic mapol calo Lubanga Won Twer Ducu, ki dong Lacwec, ento en bene tye ki nyinge.—Kwan Nia 3:15.

I Baibul mapol ma kigonyogi, nying Lubanga tye i Jabuli 83:18. Me lapore, i New World Translation of the Holy Scriptures, tyeng man waco ni: “in, ma nyingi Jehovah, in keni aye Ngat Mamalo Twal loyo wi lobo ducu.”

Pingo myero wati ki nying Lubanga?

[Cal ma tye i pot karatac 32] — Watiyo ki nying luremwa macok adada ka watye ka lok kwedgi

Lubanga mito ni wati ki nyinge. Watiyo ki nying luremwa macok ka watye ka lok kwedgi. Itamo ni man pe kwako Lubanga bene? Yecu ocuko cwinywa me tic ki nying Lubanga.—Kwan Matayo 6:9; Jon 17:26.

Ento, wek wabed lurem Lubanga, omyero wange jami mapol i kome, pe ka nyinge keken. Me lapore, Lubanga mono tye nining? Twere mono me nyikke cok ki Lubanga? Itwero nongo lagam pi lapeny magi i Baibul.