LAPENY MA KIGAMO ME BAIBUL

Angagi ma gubicito i polo ki dok pingo?

Dano milion mapol gimito kwo i polo. Yecu owaco ni lukwenane ma gin lugen gibibedo kunnu. Ma peya en oto, en ocikke ni gin ki Wonne me polo gibiyubo kabedo pi lukwena.—Kwan Jon 14:2.

Pingo kibicero dano ki i lobo me kwo i polo? Gin ango ma gibitimone kunnu? Yecu otito bot lukwenane ni gibibedo luker. Gibiloyo lobo.—Kwan Luka 22:28-30; Niyabo 5:10.

Tika dano ducu ma kitgi beco gicito i polo?

I lobbe mapol, jo manok keken aye luloc. Kit macalo Yecu bicero kwede dano me kwo i polo wek gulo lobo-ni, man weko watwero bedo ki gen ni jo manok keken aye kiyero. (Luka 12:32) Baibul tito ka maleng wel dano ma gibiloc kacel ki Yecu.—Kwan Niyabo 14:1.

Yecu oyubo kabedo i polo pi lulub kore mogo. Tika ingeyo ngo ma gibitimone kunnu?

Pe jo ma gibicito i polo keken aye ma gibinongo mot. Jo ma giketo gengi i Ker pa Yecu bene gibinongo mit pa kwo pi naka i paradic i lobo kany. (Jon 3:16) Jo mogo gibidonyo i Paradic kun gikato ki i twon can madit atika-ni labongo to. Mukene gibicerogi me kwo iye.—Kwan Jabuli 37:29; Jon 5:28, 29.

Pi ngec mukene, nen dul me 6 ki 7 i buk, Baibul Mono Ada Pwonyo Gin Ango? ma Lucaden pa Jehovah aye gucoyo

Iromo kobone ki i www.jw.org