LAPENY MA KIGAMO ME BAIBUL
Adwogi maber ango ma wanongo ki i to pa Yecu?
I kare ma Lubanga ocweyo dano, mitine onongo tye ni gukwo i lobo pi naka labongo two nyo to. Ento, Adam, dano mukwongo, pe owinyo dog Lacwec ci orwenyo gen me kwo pi naka. Wan macalo likwayo pa Adam, walako to ki bote. (Jo Roma 5:8, 12; 6:23) Jehovah, Lubanga me ada ocwalo Wode, Yecu i lobo wek oto dok odwok gin ma Adam orwenyo.—Kwan Jon 3:16.
Yecu oto wek dano gunong kwo ma pe tum. In itamo ni kwo ma pe tum bibedo nining i lobo?
To pa Yecu weko kitimo kica pi balwa dok wanongo kwo ma pe tum. Baibul tittiwa kit ma kwo bibedo kwede ka nongo wakwo labongo tiyo, two ki dong to.—Kwan Icaya 25:8; 33:24; Niyabo 21:4, 5.
Omyero wapo pi to pa Yecu nining?
I otyeno ma peya Yecu oto, en ociko lulub kore me po pi tone ki kwero kwer mo matidi. Kwero pi to pa Yecu i yo ma kit man mwaka ki mwaka weko walwodo lok i kom mar madit ma Yecu gin ki Jehovah gitye kwede pi dano.—Kwan Luka 22:19, 20; 1 Jon 4:9, 10.
I mwaka ni, Nipo me to pa Yecu bibedo i Ceng Baraja, April 14, i nge poto pa ceng. Lucaden pa Jehovah gijoli me ribbe kwedgi i kwer man.—Kwan Jo Roma 1:11, 12.