LAPENY MA KIGAMO ME BAIBUL
Tika watwero ngeyo lok ada madok i kom Lubanga?
Pingo lubanga mito ni wange lok me ada? Kwan Jon 17:3
Lubanga obedo ka lok ki dano pi kare malac. En otiyo ki cwiny mere maleng nyo tekone me keto tamme i cwiny jo ma gucoyo Baibul. (2 Petero 1:20, 21) Wan watwero ngeyo lok ada madok i kom Lubanga ka wabedo ka kwano Baibul.—Kwan Jon 17:17; 2 Temceo 3:16.
Lubanga tiyo ki Baibul me tito jami mapol ma kwakke. En bene otito gin mumiyo ecweyo dano, gin ma ebitimo pigi, ki dong kit ma emito ni gukwo kwede. (Tic pa Lukwena 17:24-27) Lubanga Jehovah mito ni meno wange lok ada madok i kome.—Kwan 1 Temceo 2:3, 4.
Pingo Lubanga jolo jo ma gimaro lok me ada?
Jehovah aye Lubanga me ada dok en ocwalo Wode Yecu me pwonyo dano ki lok ada. Pi meno, jo ma gimaro lok ada giketo niyegi i kom Yecu. (Jon 18:37) Lubanga mito ni jo ma kit meno guwore.—Kwan Jon 4:23, 24.
Catan Larac-ci ogengo dano mapol pe me ngeyo Lubanga pien obedo ka loko lok goba i kom Lubanga. (2 Jo Korint 4:3, 4) Jo ma pe gimaro jami mabeco gulungo wigi i pwony gobane-ni. (Jo Roma 1:25) Ento dano milion mapol ma cwinygi atir gitye ka pwonyo lok ada pien gikwano Baibul.—Kwan Tic pa Lukwena 17:11.