Ngo Ma Baibul Waco?

Ker pa Lubanga obedo gin ango?

JO MOGO GITAMO NI nyuto loc pa Lubanga i cwiny ngat moni; jo mukene gitamo ni obedo tute pa dano me kelo kuc i wi lobo ducu ki note dano ducu. In itamo ningo?

GIN MA BAIBUL WACO

“Lubanga me polo biketo ker mukene ma ri nakanaka ma pe gitwero balone. . . . Ker meno manyen-ni bituro ker magi ducu ngido woko matitino.” (Daniel 2:44) Gamente pa Lubanga obedo loc me ada.

NGO MUKENE MA WAPWONYO KI I BAIBUL

• Ker pa Lubanga tye ka loc ki i polo.​—Matayo 10:7; Luka 10:9.

• Lubanga tiyo ki gamentene me cobo mitine i polo ki i lobo.​—Matayo 6:10.

Ker pa Lubanga bibino awene?

ITWERO WACONE NINGO?

• Pe tye ngat mo ma ngeyo

• Cokcok-ki

• Pe bibino

GIN MA BAIBUL WACO

“Lok man me kwena maber me ker pa Lubanga gibitito i wi lobo ducu, me bedo caden bot rok ducu; ka dong lacen agikki piny bibino.” (Matayo 24:14) Ka dong kitito kwena maber i wi lobo lung, ci Ker pa Lubanga dong bikelo agikki me loc pa larac-ci.

NGO MUKENE MA WAPWONYO KI I BAIBUL

• Pe tye ngat mo keken i lobo kany ma ngeyo awene ma Ker pa Lubanga bibino iye.​—Matayo 24:36.

• Lok pa lunebi nyuto ni Ker pa Lubanga bibino ma cokcok-ki.​—Matayo 24:3, 7, 12.