Gin Ma Baibul Waco?

Tika Baibul twero konyi me lweny ki par?

Itwero wacone ningo?

• Eyo

• Pe

• Gwok nyo

Gin ma Baibul waco

“Wuket parwu ducu i kome [Lubanga], pien en tamo piwu.” (1 Petero 5:7) Baibul cuko cwinywa ni Lubanga twero konyowa me nongo kwe cwiny ka watye ki par.

Ngo mukene ma wapwonyo ki i Baibul?

• Ka walego ci watwero nongo “kuc pa Lubanga” wek okonywa me lweny ki par.​—Jo Pilipi 4:6, 7.

• Medo i kom meno, kwano Lok pa Lubanga twero konyowa me lweny ki par.​—Matayo 11:28-30.

Tika kibikwanyo par kwicikwici?

Jo mogo gitamo ni . . . par obedo gin ma timme i kom dano ducu, ento mukene gitamo ni kibikwanyo par ka nongo dong wato. In kono itamo ningo?

Gin ma Baibul waco

Lubanga bikwanyo jami ducu ma keliwa par. “To bene dong bibedo pe, kadi kumo nyo koko, nyo arem, pien gin macon dong ducu gurwenyo woko matwal.”​—Niyabo 21:4.

Ngo mukene ma wapwonyo ki i Baibul?

• I te Ker pa Lubanga, dano gibibedo ki kuc kacel ki yomcwiny madit.​—Icaya 32:18.

• Par dong bibedo gin mukato.​—Icaya 65:17.