Gin Ango Ma Baibul Waco?

Armagedon obedo gin ango?

Jo mogo giwaco ni . . .

obedo lweny ma bityeko wi lobo ducu kun kitiyo gilweny ma neko dano ducu lumuku nyo balo kabedo murumowa. In itamo ningo?

Gin ma Baibul waco

Armagedon obedo nino ma kibicokke “kacel pi mony i nino madit pa Lubanga Won Twer” me lweny i kom lutim maraco​—Niyabo 16:14, 16.

Ngo mukene ma wapwonyo ki i Baibul?

• Lubanga bilweny i Armagedon, en pe bijwero lobo ento bilaro lobo ki dano ki i kom tim maraco.​—Niyabo 11:18.

• Lweny me Armagedon bigiko lweny ducu.​—Jabuli 46:8, 9.

Tika watwero bwot ki i lweny me Armagedon?

In kono itamo ningo?

• Twere

• Pe

• Gwok nyo

Gin ma Baibul waco

“Lwak dano mapol ata” ki i rok ducu gibibwot ki “can madit atika” ma bigik i lweny me Armagedon.​—Niyabo 7:9, 14.

Ngo mukene ma wapwonyo ki i Baibul?

• Lubanga mito dano mapol gubwot ki i Armagedon. En jwero lutim maraco pien nongo dong pe tye gin mo me atima pigi.​—Ejekiel 18:32.

• Baibul tito kit ma watwero bwot kwede ki i lweny me Armagedon.​—Jepania 2:3.