Kit me Nyuto Magajin

The Watchtower Apr. 15

“I kare-ni mono tye ngec mogo marii pi kare malac? [Mine kare wek ogam.] Pe tye ngec mo ma pire tek makato gin ma kicoyo kany-nyi. [Kwan Jon 17:3.] Magajin man tito tyen lok me ‘kwo ma pe tum’ ki kit ma watwero nongo kwede ngec ma terowa i kwo meno.”

Awake! Apr. 22

“Kadi bed ni Yecu Kricito aye nen calo obedo ngat ma ngene ma loyo dano mo keken ma okwo i lobo, ento dano mapol pud gipenyo nga ma en obedo. Tika onongo ingeyo ni kadi wa lukwena pa Yecu bene gubedo ki lapeny man? [Mine kare wek ogam. Ka ikwan Marako 4:41.] Magajin man tito gin ma Baibul loko i kom nga ma Yecu obedo.”

The Watchtower May 1

“Ka dano me amarawa oto, nongo pud cwinywa wamito ni omyero wanene odoco. In mono pe iwinyo kit man? [Mine kare wek ogam.] Dano mapol dong gunongo kwe cwiny i cikke ma tye i Baibul i kom kop me nicer. [Kwan Jon 5:28, 29.] Magajin man nyuto awene ma nicer bibedo iye ki nga-gi ma gibinongo mot me nicer meno.”

Awake! May 8

“Lunyodo mapol giyero cinema ma gimito ni lutinogi onen ayera. In mono pe inongo ni yero cinema me anena ki jo me oti tek mada? [Mine kare wek ogam. Ka ikwan bote Jo Epeco 4:17.] Magajin man nyuto kit ma lunyodo gitwero konyo kwede lutinogi me yero jami me galowang matir.”